საქართველოს იუსტიციის სასწავლო ცენტრის  საგანმანათლებლო პროექტ„50 საჯარო მოხელის“ 6 საუკეთესო მონაწილე ინგლისის  მენეჯმენტისა და ენის  საერთაშორისო კოლეჯში (MLS InternationalCollege) ერთთვიან სასწავლო  კურსზე -  ,,მენეჯმენტი, ლიდერობა, ადამიანური კაპიტალის მართვა და საქმიანი კომუნიკაცია“ გაემგზავრა.

როგორც „ექსპრესნიუსს“ საქართველოს იუსტიციის სასწავლო ცენტრიდან აცნობეს,  სწავლება სრულად ფინანსდება იუსტიციის სასწავლო ცენტრის მიერ.

პროექტი “50 საჯარო მოხელე“ ემსახურება იმ სტუდენტების პროფესიული და პიროვნული განვითარების ხელშეწყობას, რომლებსაც უკვე გადაწყვეტილი აქვთ, მომავალი კარიერა საჯარო სამსახურს დაუკავშირონ.

ცნობისთვის, კონკურსის წესით შერჩეული 50 ახალგაზრდა, 6 თვის განმავლობაში ინტენსიურ სასწავლო კურსს გადიოდა, რის შემდეგაც მათ იუსტიციის სამინისტროს სისტემაში ოთხთვიანი სტაჟირება დაიწყეს.

 პროექტის მონაწილე 50-ი ახალგაზრდიდან, 22-ი უკვე დასაქმებულია იუსტიციის სამინისტროს სისტემაში.

კონკურსში მონაწილეობა შეეძლო 21-25 წლის საქართველოს მოქალაქეს (ბაკალავრი).

რამდენიმე ეტაპიანი შესარჩევი კონკურსი მოიცავდა ტესტირებებს და გასაუბრებას. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა

თბილისში ყაჩაღობა მოხდა