მოხეში მცხოვრები მუსლიმები პარასკევის ტრადიციულ ლოცვას კვლავ ღია ცის ქვეშ წაიკითხავენ

2016-11-25 12:09:37, 885 ნახვა

რეგიონი

სოფელი მოხის ადგილობრივი მუსლიმი თემი, ისტორიული ნაგებობის შენობასთან, დღეს, 13 საათზე, პარასკევის ტრადიციულ (ჯუმას) ლოცვას კვლავ ღია ცის ქვეშ წაიკითხავს.

ამავდროულად, ისინი რელიგიის საკითხთა სახელმწიფო სააგენტოს მიერ შექმნილი კომისიის საქმიანობასთან დაკავშირებით, კრიტიკული განცხადების გაკეთებასაც გეგმავენ.

მოხის კომისიის ბოლო განცხადებების გათვალისწინებით, მუსლიმები გამოთქვამენ წუხილს, რომ სახელმწიფო არ უზრუნველყოფს სადავოდ გამხდარი შენობის ისტორიული და კონფესიური მესაკუთრის საკითხის დადგენას და საერთოდ უარს იტყვის შენობის ისტორიული მესაკუთრისთვის დაბრუნებაზე. აღნიშნულს სახელმწიფოს დისკრიმინაციული რესტიტუციის პოლიტიკის შედეგს უწოდებენ. მუსლიმების თქმით, მათი მოთხოვნა არსებითად არა ლოცვისთვის სივრცის მიცემა, არამედ ისტორიული შენობის ნამდვილი მესაკუთრისთვის დაბრუნების პროცესის სამართლიანი დაგეგმვა და განხორციელებაა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან