2015-03-21 16:09:03, 576 ნახვა
პოლიტიკა
გიგი წერეთელი: ეს აქცია ხელისუფლებას ალბათ ვერ გამოაფხიზლებს
„ვფიქრობ, რომ ეს აქცია ხელისუფლებას ალბათ ვერ გამოაფხიზლებს, მაგრამ დიდ წვლილს შეიტანს იმაში, რომ სწრაფად მოვიდნენ გონს“, - ამის შესახებ „ნაციონალური მოძრაობის“ წევრმა გიგი წერეთელმა „ექსპრესნიუსს“ განუცხადა.
მისივე თქმით, დღევანდელი საპროტესტო აქცია არის ხალხის გზავნილი მთავრობის მიმართ.
„უპირველეს ყოვლისა, მთავარი არის ის, რომ ხელისუფლებამ გაიგოს რა ხდება ქვეყანაში. როგორც ჩანს, ეს მათ არ ესმით და ეს საპროტესტო მრავალრიცხვოვანი აქცია არის იმისთვის, რომ დაფიქრდნენ და გარკვეული გადადწყვეტილებები მიიღონ. დღეს საქართველოში არის გაუარესებული ცხოვრება, არც ერთი დაპირება არ შესრულებულა და არის სერიოზული ეკონომიკური კრიზისი“, - განაცხადა გიგი წერეთელმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
