2016-11-20 16:38:00, 894 ნახვა
პოლიტიკა
გიორგი კვირიკაშვილი მინისტრთა კაბინეტის ახალ შემადგენლობას 22 ნოემბერს წარადგენს
არსებული ინფორმაციით, პრემიერ-მინისტრის მოვალეობის შემსრულებელი გიორგი კვირიკაშვილი მინისტრთა კაბინეტის ახალ შემადგენლობას 22 ნოემბერს წარადგენს.
რომელი მინისტრი შეინარჩუნებს პოსტს, ამ დროისთვის უცნობია.
თუმცა, ვრცელდება დაუდასტურებელი ინფორმაცია, რომ ფინანსთა მინისტრის თანამდებობაზე ნოდარ ხადურს დიმიტრი ქუმსიშვილი შეცვლის, თავად ქუმსიშვილს კი ეკონომიკური საბჭოს მდივანი გიორგი გახარია ჩაანაცვლებს. ასევე, მედიაში იწერება, რომ ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის თანამდებობას ვიქტორ დოლიძე დაიკავებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
