შერიგებისა და სამოქალაქო თანასწორობის საკითხებში სახელმწიფო მინისტრის ქეთევან ციხელაშვილის განცხადებით, რუსი ბიზნესმენების საქართველოში ჩამოსვლა შეიძლება განიხილებოდეს ეკონომიკურ ჭრილში და მას სხვა პროცესთან არანაირი კავშირი არ აქვს.

ციხელაშვილის თქმით, ნებისმიერი განვითარება საქართველო-რუსეთის ურთიერთობებში, ტერიტორიული მთლიანობისა და სუვერენიტეტის ხარჯზე არ მოხდება.

"საქართველოსა და რუსეთს შორის არსებობს გარკვეული ეკონომიკური სავაჭრო ურთიერთობები, ამ ურთიერთობებში გარკვეული ნაბიჯები იდგმება, ეს პრემიერის სპეციალური წარმომადგენლის აბაშიძე-კარასინის დიალოგის ფორმატში. ეს დიალოგი გამიჯნულია იმ საკითხებისგან, რომელიც ჩვენ რუსეთთან გვაკაშვირებს, კონფლიქტის მოგვარების მიმართულებით. ამიტომ ბიზნესმენების ვიზიტი შეიძლება განვიხლიოთ ეკონომიკურ ჭრილში, ეს ურთიერთობები ადრეც არსეობდა, ცხადია ახლაც არსებობს, გარკვეული ნაბიჯები იგმება ამ ურთიერთობების განვითარების თვალსაზრისით, რომელიც ჩვენი ქვეყნისა და მოსახლეობის ინტერესებშია, ამას სხვა პროცესთან არანაირი კავშირი არ აქვს. ნებისმიერი განვითარება საქართველო-რუსეთის ურთიერთობებში, რომელიც ხდება აბაშიძე-კარასინის ფორმატში, ვერ და არ მოხდება საქართველოს ტერიტორიული მთლიანობისა და სუვერენიტეტის ხარჯზე", - აღნიშნა ციხელაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი