ვარშავის უნივერსიტეტში  მიმდინარე  წლის 6-8 დეკემბერს, პოლონეთის პრეზიდენტის ანჟეი დუდას პატრონაჟით გაიმართება წმ. გრიგოლ ფერაძის სახელობის მე-15 საერთაშორისო კონფერენცია, რომელიც ეძღვნება უდიდესი ქართველი პოეტის შოთა რუსთაველის დაბადების 850 წლისთავს.

საგარეო საქმეთა სამინისტროს ინფორმაციით, ღონისძიების ფარგლებში გამოფენა მოეწყობა   „წერის ანბანური სისტემა და ქართული დამწერლობა" და „ქართული ჰიმნოგრაფია", რომელიც პოლონეთში საქართველოს საელჩოსა და ვარშავის უნივერსიტეტის ერთობლივი თანამშრომლობის ფარგლებში მომზადდა.

აღსანიშნავია, რომ კონფერენციის ფარგლებში ქართველი და გერმანელი მეცნიერები წმინდა  გრიგოლ ფერაძის პრემიით დაჯილდოვდებიან.

ამასთან ერთად გაიმართება ვარშავის უნივერსიტეტის სამეცნიერო ჟურნალის „Pro Georgia.

Journal of Kartvelological Studies" 25 წლის იუბილე და შედგება საიუბილეო ნომრის პრეზენტაცია.

კონფერენციაზე მონაწილეობას მიიღებენ ქართველი, პოლონელი, გერმანელი და ფრანგი მეცნიერები.

წმინდა  გრიგოლ ფერაძის სახელობის კონფერენცია ხელს უწყობს ევროპაში ქართული კულტურული მემკვიდრეობის პოპულარიზაციასა და საერთაშორისო სამეცნიერო დონეზე საქართველოს მრავალსაუკუნოვანი კულტურის შესახებ ცნობადობის ამაღლებას.

წმინდა გრიგოლ ფერაძის სახელობის კავკასიოლოგთა საერთაშორისო კონფერენცია 2002 წლიდან ტარდება ვარშავის უნივერსიტეტის ორიენტალისტიკის ფაკულტეტის კავკასიოლოგიური კვლევების მიმართულების ინიციატივით. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინის წარმომადგენელი კირიენკო აფხაზეთში ჩავიდა, მან აფხაზი სეპარატისტების მემორიალი შეამკო

კიევზე რუსული საჰაერო დარტყმის შედეგად დაღუპულთა რიცხვი 13-მდე გაიზარდა

კუსტარული ნარკოლაბორატორია აღმოვაჩინეთ, ამოღებულია 7 კგ-მდე ნარკოტიკი - შსს [VIDEO]

უკრაინამ ნიჟნი ნოვგოროდის ოლქში ნავთობგადამამუშავებელ ქარხანას დაბომბა, რომელიც მოსკოვს საწვავით ამარაგებს