საბურთალოს რაიონში კიდევ ერთი ახალი სკვერი გაიხსნა - პროექტის ავტორი საქართველოს ტექნიკური უნივერსიტეტის სტუდენტი გვანცა ცქიფურიშვილია.

ამის შესახებ „ექსპრესნიუსს“ თბილისის მერიიდან აცნობეს.

მათივე ინფორმაციით, ნუცუბიძის ქ.N46-თან არსებული სკვერი პირველია საბურთალოზე, რომელშიც შინაური ცხოველებისთვის სპეციალური, იზოლირებული სასეირნო ზონა მოეწყო.

„ორზონიან სკვერში დიფერენცირებულია საბავშვო-გასართობი და სასეირნო-სავარჯიშო სივრცეები. ადგილზე დამონტაჟდა ტრენაჟორები, დაირგო წიწვოვანი ჯიშის ნერგები, ტერიტორია შემოისაზღვრა დეკორატიული ღობით, გაკეთდა პანდუსი, დაიდგა ფანჩატურები, საპარკო სკამები, საქანელები და ქვიშის მანეჟი. სკვერი აღჭურვილია ინდივიდუალური სარწყავი სისტემითა და დეკორატიული განათებით“,-აცხადებენ მერიაში.

სკვერის პრეზენტაციას ესწრებოდნენ საქართველის ტექნიკური უნივერსიტეტის დიზაინისა და არქიტექტურის ფაკულტეტის ხელმძღვანელი პირები, კონკურსის სხვა მონაწილეები.

საბურთალოს რაიონის გამგებელმა ბექა მიქაუტაძემ მადლობა გადაუხადა ყველას, ვინც პროექტის განხორციელებაში იყო ჩართული და განაცხადა, რომ სტუდენტების მიერ სკვერის დაპროექტების ეს ფაქტი უკვე გახდა პრეცედენტი სხვა პროექტებისათვის.

არქიტექტურული კონკურსის შედეგად დაპროექტებული სკვერი კომპანია „ვლადნეფტპროდუქტმა“ მოაწყო.

პროექტის ღირებულება 217,000 ლარია.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს