„მოვითხოვთ აზერბაიჯანში საქართველოს ელჩის თეიმურაზ შარაშენიძის გამოწვევას“; „შარაშენიძემ დეზინფორმაცია გაავრცელა“; „აზერბაიჯანში საქართველოს ელჩის განცხადებები ორ ქვეყანას შორის კონფლიქტს აღვივებს“ - ამ შინაარსის ტრანსფარანტებით გააპროტესტეს ''უფლებადამცველთა გაერთიანების'' წარმომადგენლებმა საგარეო საქმეთა სამინისტროსთან ელჩის განცხადება.

აქციის მონაწილეებმა და ორგანიზატორებმა საგარეო საქმეთა მინისტრს მიხეილ ჯანელიძეს წერილობით მიმართეს და აზერბაიჯანიდან შარაშენიძის დაუყოვნებლივ გამოწვევა მოითხოვეს

როგორც უფლებადამცველთა ორგანიზაციის ხელმძღვანელმა ნიკოლოზ მჟავანაძემ აღნიშნა, ელჩის მიერ გაკეთებული განცხადებები ორ ქვეყანას შორის დისონანსს გამოიწვევს.

„აზერბაიჯანში საქართველოს საელჩომ გააკეთა განცხადება მცდარ ინფორმაციაზე, თითქოს ''პატრიოტთა ალიანსის'' ლიდერმა გააკეთა განცხადება, რომელსაც დისონანსი შეაქვს ორი ქვეყნის ურთიერთობაში. საქართველოს საელჩოს აზერბაიჯანში არ გადაუმოწმებია ეს ინფორმაცია,  მან გააკეთა ანტისახელმწიფოებრივი და ეთნიკური შუღლის გამღვივებელი განცხადება, რომ თითქოს საქართველოში არიან ძალები, რომლებსაც გარკვეულწილად ცუდი განზრახვა აქვს აზერბაიჯანთან დაკავშირებით“, - განაცხადა მჟავანაძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევში რუსეთის მასშტაბური საჰაერო დარტყმის შედეგად მრავალსართულიანი შენობები ჩამოინგრა, ათი ადამიანი დაიღუპა და 50-ზე მეტი დაშავდა

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა