28 ოქტომბერს, საქართველოს ინოვაციების და ტექნოლოგიების სააგენტო, ტექნოპარკში პროექტ "სტარტაპ მეგობრულის" პრეზენტაციას გამართავს. პროექტის მიზანია, ქვეყანაში ისეთი ბიზნესგარემო შეიქმნას, რომელიც წაახალისებს ადამიანებს დაიწყონ ბიზნესი და ბიზნესსაქმიანობას უფრო მარტივს და ხელმისაწვდომს გახდის. პროექტის ფარგლებში დამწყებ ბიზნესებს - სტარტაპებს, შესაძლებლობა მიეცემათ დაამყარონ ურთიერთობა სახელმწიფოსთან და მსხვილ კომპანიებთან, რომლებიც თავის მხრივ სტარტაპებს მხარს დაუჭერენ სერვისების მიწოდების, სამუშაო სივრცეების შექმნის, ფინანსური თუ  საგანმანათლებლო რესურსების მოძიების და სხვა სახის დახმარების  უზრუნველყოფით.

„სტარტაპ მეგობრულში" გაერთიანდებიან სახელმწიფო სტრუქტურები, კერძო სექტორის წარმომადგენლები, მცირე და საშუალო ბიზნესები  და სტარტაპები. პროექტი სოციალური პასუხისმგებლობის სახეს ატარებს  და  მისი მიზანია,  რაც შეიძლება ბევრმა  კომპანიამ  გაიცნოს სტარტაპები, რათა მაქსიმალურად მეტი ორგანიზაცია ჩაერთოს მათი  ხელშეწყობის  პროცესში.

პრეზენტაციაზე  მოწვეულნი არიან როგორც დამწყები ბიზნესმენები, ისე სხვადასხვა დარგის მსხვილი ბიზნესის წარმომადგენლები.  ღონისძიებას გახსნიან საქართველოს პრემიერ მინისტრი გიორგი კვირიკაშვილი, ეკონომიკისა და მდგრადი განვითარების მინისტრი დიმიტრი ქუმსიშვილი  და თიბისი ბანკის სამეთვალყურეო საბჭოს თავმჯდომარე მამუკა ხაზარაძე.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს