სერგეენკოს ინფორმაციით, 3 სამხედრო მოსამსახურე რეანიმაციულ განყოფილებაში რჩება

2016-10-24 10:58:38, 1385 ნახვა

კომენტარი სამხედრო

შრომის, ჯანმრთელობისა და სოციალური დაცვის მინისტრის დავით სერგეენკოს განცხადებით, დაშავებული სამხედროებიდან 3 რეანიმაციულ განყოფილებაში რჩება. როგორც სერგეენკომ ჟურნალისტებს განუცხადა, მათ ჯანმრთელობას საფრთხე არ ემუქრება:

„საყურადღებო რჩება სამი პაციენტის მდგომარეობა. საბედნიეროდ მათ ჯანმრთელობას საფრთხე არ ემუქრება, მაგრამ იმისათვის, რომ შემდგომი გართულებები იქნას თავიდან აცილებული, ისინი მკურნალობას რეანიმაციულ განყოფილებაში აგრძელებენ“,-განაცხადა დავით სერგეენკომ.

ავტოსაგზაო შემთხვევა 21 ოქტომბერს, დედოფლისწყარო-სიღნაღი-თბილისის ავტომაგისტრალზე მოხდა. შემთხვევის შედეგად ჯარების ლოგისტიკური უზრუნველყოფის სარდლობის სამხედრო მოსამსახურეები დაშავდნენ, ერთი სამხედრო მოსამსახურე გარდაიცვალა.

სამხედრო პოლიციის საგამოძიებო ჯგუფმა და თავდაცვის სამინისტროს გენერალურმა ინსპექციამ მომხდართან დაკავშირებით საქმე აღძრა. გამოძიება სისხლის სამართლის კოდექსის 276-ე მუხლის მე-5 ნაწილით მიმდინარეობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან