იან კელი: არჩევნებმა გამოხატა ქართველი ხალხის ნება

2016-10-14 21:59:59, 844 ნახვა

პოლიტიკა

არჩევნებმა გამოხატა ქართველი ხალხის ნება, - ამის შესახებ ამერიკის შეერთებული შტატების ელჩმა საქართველოში იან კელიმ ბათუმში ჟურნალისტებს განუცხადა.

მისი განცხადებით, იყო ძალადობის ფაქტები, რისი საგულდაგულოდ გამოძიებაც მთავრობაზეა დამოკიდებული.

"იყო ძალადობისა და დაშინების ფაქტები, ჩვენ ამას, რა თქმა უნდა, მკაცრად ვგმობთ და განსაკუთრებით, როცა არჩევნების დღეს ხდება ასეთი რამ. უკვე მთავრობაზეა დამოკიდებული, რამდენად საგულდაგულოდ და დეტალურად გამოიძიებს აღნიშულ ფაქტებს. გავიმეორებ იმას, რომ არჩევნებმა გამოხატა ქართველი ხალხის ნება. ამაში მარნეულის ინციდენტსაც ვგულისხმობდი. საკმაოდ შემაშფოთებელი ფაქტი იყო და პოლიციის თანამშრომელიც დაშავდა. იმედია სახელმწიფო გამოიძიებს ამას ბალანსირებული გზით. გარდა ამისა, მეორე ტური წინ არის და აუცილებელია, გარემო იყოს მშვიდი, წყნარი და არ იყოს დაშინების ფაქტები", - აღნიშნა იან კელიმ.