საარჩევნო დილა მთელ რიგ უბნებზე, რამდენიმე მნიშვნელოვანი დარღვევით დაიწყო. იკვეთება საარჩევნო ადმინისტრაციის კომპეტენციის ნაკლებობა,რაც თავისთავად იწვევს დარღვევებს, - ამის შესახებ "ერთიანი ნაციონალური მოძრაობის" წევრმა გიორგი ტუღუშმა, პარტიის ოფისში გამართულ ბრიფინგზე განაცხადა. 

მისი თქმით, საარჩევნო კომისიების დამკვირვებლების შერჩევისას, ყურადღება პოლიტიკურ სიმპათიებს ექცეოდა. 

"თავის დროზე, როდესაც საოლქო და საუბნო კომისიები კომპლექტდებოდა, პრეფერენცია მიეცა არა ადამიანების პროფესიონალიზმს, არამედ პოლიტიკურ სიმპათიებს. სიები "ქართული ოცნების" სიმპათიების მიხედვით დაკომპლექტდა. ეს მნიშვნელოვანი პრობლემაა", - განაცხადა ტუღუშმა. 

მან კონკრეტულ უბნებში დაფიქსირებული დარღვევების შესახებაც ისაუბრა.

"დიდუბის 15-ე უბანზე დაფისქსირებულ იქნა შემაჯამებელი ოქმი, რომლის დიდი ნაწილი შევსებული იყო და მასზე კომისიის თავმჯდომარის და წევრების ხელმოწერები დატანილი იყო. ეს პრობლემა ადგილზე იქნა აღმოფხვრილი. გარდა ამისა, მინდა ხაზი გავუსვა იმას, რომ "ქართული ოცნების" კოორდინატორები ნასაკირალში-ოზურგეთის რაიონის მესამოცე უბანში, უბნის შესასვლელ კართან ეწეოდნენ აგიტაციას. მას შემდეგ რაც მიუთითეს დარღვევაზე , სთხოვეს გასცლოდნენ იქაურობას და საჩივარიცშეივსო, ადგილზე მოვიდა ოზურგეთის მუნიციპალიტეტის გამგებელი ბატონი მერაბ ჭანოკვაძე, რომელიც ითხოვდა ამ ადამიანების უბნის შიგნით შეყვანას, რაც ასევე აღკვეთეს ჩვენმა კომისიის წევრებმა და დამკვირვებლებმა", -განაცხადა გიორგი ტუღუშმა და დასძინა, რომ "ნაციონალური მოძრაობის" წევრები ყველაფერს აკეთებენ იმისთვის, რომ ყველა დარღვევა აღმოიფხვრას. 

"ნინოწმინდაში 26-ე უბანზე 4 პირი ხმას აძლევდა საარჩვნო კაბინის გარეთ, კომისიის თავმჯდომარის მაგიდასთან და თან უბანში "ქართული ოცნების" სასარგებლოდ აგიტაციას ეწეოდნენ. რაც ასევე აღკვეთილ იქნა. მინდა ხაზი გავუსვა იმას, რომ ფიქსირდება მრავლობითი დარღვევები და ჩვენი დამკვირვებლები აკეთებენ ყველაფერს რომ ყველა ამომრჩევლის ხმა იქნას დაცული", - დასძინა ტუღუშმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა