დავით სერგეენკო „ინგოროყვას კლინიკაში“ აფეთქების შედეგად დაშავებული მოქალაქის მოსანახულებლად მივიდა

2016-10-04 22:55:37, 787 ნახვა

პოლიტიკა

დავით სერგეენკო „ინგოროყვას კლინიკაში“ მივიდა, სადაც აფეთქების შედეგად დაშავებული მოქალაქეა გადაყვანილი.

როგორც ჯანდაცვის მინისტრმა ჟურნალისტებს განუცხადა, „მიუღებელია, მით უმეტეს ის, რომ დაზარალებულები არიან ის ადამიანები, ვინც ირგვლივ იმყოფებოდნენ და ასრულებდნენ თავის საქმეს, შემთხვევითი გამვლელები და იქ მომუშავე ადამიანები".

„მიუღებელია, მით უმეტეს ის, რომ დაზარალებულები არიან ის ადამიანები, ვინც ირგვლივ იმყოფებოდნენ და ასრულებდნენ თავის საქმეს, შემთხვევითი გამვლელები და იქ მომუშავე ადამიანები. რა თქმა უნდა, ფაქტი მიუღებელია, დასაგმობია და დარწმუნებული ვარ, სამართალდამცველები ყველაფერს გააკეთებენ იმისათვის, რომ უმოკლეს ვადებში გამოიძიონ ეს საქმე”,- განაცხადა ჯანდაცვის მინისტრმა დავით სერგეენკომ.

მისივე განცხადებით, ამ წუთის მონაცემებით არის ოთხი დაზარალებული,ორი მათგანი იმყოფება ინგოროყვას კლინიკაში. ერთის მდგომარეობა არის საშუალო სიმძიმის, მას ამ წუთებში უტარდება ოპერაცია. დანარჩენებს აღენიშნებათ მსუბუქი დაზიანებები. სერგეენკომ სამი პაციენტი მოინახულა.

ცნობისთვის, რამდენიმე წუთის წინ კოლმეურნეობის მოედანზე "პირიმზესთან" "ნაციონალური მოძრაობის" ერთ-ერთი ლიდერის გივი თარგამაძის მანქანა აფეთქდა. დაშავებულია სამი ადამიანი.