გაზეთ „ახალგორის“ ჟურნალისტის ინფორმაციით, ვრცელდება ხმები, რომ დამოუკიდებელი მაჟორიტარობის კანდიდატი მცხეთაში, ყოფილი გუბერნატორი ცეზარ ჩოჩელი, ფულს არიგებს, ასევე აშინებენ მოსახლეობას, რომ თუ ჩოჩელს ხმას არ მისცემენ, მის საწარმოებში აღარ ამუშავებენ.

როგორც ივანიშვილმა GDS-ის გადაცემაში განაცადა, აღნიშნულის თაობაზე მისთვის უცნობია და სამწუხაროა, თუ ჩოჩელი წინასაარჩევნოდ მსგავს მეთოდებს იყენებს.

„ეს ინფორმაცია მე არ ვიცოდი, თქვენგან მოწოდებული ინფორმაცია, ჟურნალისტი ბრძანდებით, ყურადსაღებია. ძალიან ცუდია, თუ ასეთი რამ ხდება. ამ მეთოდზე ჩვენ უარი ვთქვით, „ნაციონალური მოძრაობის“ მეთოდი გახლდათ ეს. ვერავინ იტყვის დღეს „ქართულ ოცნებაზე“, რომ დადის და ფულს არიგებს,  მიდის მოსყიდვა,  ან ძალადობა.თუ ნახეთ თქვენ გოგონები სცემეს, ჯერ ბოლომდე გამოკვლეული  არ არის, მაგრამ ეს „ნაციონალური მოძრაობის ხელწერაა და სულ არ გამიკვირდება.ისევე როგორც კორცხელი, მათი დადგმული სცენარი იყო, ტყუილად არ იპოვეს ხელკეტები მათივე მანქანაში. იქაც ისევ თვითონ ძალადობდნენ. საკუთარი თავის საცემადაც კიარიან მზად, ოღონდაც აჩვენონ, რომ ეს ხელისუფლება არის მსგავსი წინა ხელისუფლების. ძალიან ცუდია, თუ ჩოჩელი ამ მეთოდებს იყენებს. ამის შესახებ არ ვიცოდი“,-განაცხადა ბიძინა ივანიშვილმა.

მანვე „ქართული ოცნების“ მცხეთის მაჟორიტარი დეპუტატობის კანდიდატ დიმიტრი ხუნდაძის პიროვნებაზე ისაუბრა. ივანიშვილის თქმით, ხუნდაძე პატიოსანი ადამიანია და გაუხარდება, თუ მცხეთელები მხარს მას დაუჭერენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

N339 და N385 მარშრუტებზე მოძრავი 12-მეტრიანი ავტობუსები 4 ივლისიდან 18-მეტრიანი ავტობუსებით ჩანაცვლდება

ენმ-მ ხელისუფლება ნავთობპროდუქტების იმპორტიორებთან შესაძლო შეთქმულებაში დაადანაშაულა

მიხეილ სააკაშვილი: განცხადებები გილაურთან ნაციონალური მოძრაობის მოლაპარაკებების შესახებ ტყუილია

ერთიანი ეროვნული გამოცდების დროს თბილისში ავტობუსების დამატებითი მარშრუტები დაინიშნება