„ნაციონალური მოძრაობის“ წევრის ირმა ნადირაშვილის განცხადებით, ის გაკვირვებულია, იმით რომ მას დაკითხვის უწყება მოუტანეს, რადგან, ნადირაშვილის თქმით, არსებულ აუდიოჩანაწერში მისი ხმაც კი არ ისმის.

როგორც ნადირაშვილმა აღნიშნა, ამ სისტემაზე მთავარი მართვა ბიძინა ივანიშვილს აქვს აღებული.

„სუს-ს ვთხოვ უფრო სწორი ჩანაწერი, რომელიც ალბათ შენახული აქვთ, ის გამოაქვყენონ, რათა მოხდეს იდენტიფიცირება, ნამდვილად მე ვარ თუ არა, ჩემთვის გაუგებარია, როგორ უნდა მოხდეს თუნდაც ხმის ნიმუშის აღება. მაგრამ აქ მთავარი კითხვაა პასუხს გაუცემელი, როგორ ხდება ამ ჩანაწერების მოპოვება და გავრცელება, რატომ ხდება, რომ მთავარი მართვა ბიძინა ივანიშვილს აქვს ამ სისტემაზე აღებული”,- განაცხადა ბრიფინგზე ნადირაშვილმა.

მისივე თქმით, ის არ აპირებს დაკითხვაზე სახელმწიფო უსაფრთხოების სამსახურში მისვლას.

აქვე, ნადირაშვილმა აღნიშნა, რომ ბიძინა ივანიშვილი უნდა შეეგუოს, რომ არჩევნების შემდეგ ის ოპოზიციაში გადავა.

„ივანიშვილი უნდა შეეგუოს რომ 8 ოქტომბერს  ის გადავა ოპოზიციაში და უნდა გადავიდეს ყოველგვარი ხმაურის და დესტაბილიზაციის გარეშე. მე არ ვაპირებ მივიდე სუს-ში და ვიარო მის დერეფნებში, უწყებაში, რომლის მთავარი ამოცანა არა ქვეყნის დაცვა არამედ პოლიტიკური ოპონენტების მოსმენა და თვალთვალია“, - განაცხადა ირმა ნადირაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივნისში წლიური ინფლაციის დონემ 5.8% შეადგინა - საქტატი

ევროკავშირის ახალი ინიციატივები აზერბაიჯანისთვის და სომხეთისთვის, საქართველო ბორტს მიღმაა

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90