გაერო-ს 71-ე გენერალური ასამბლეის ფარგლებში, საქართველოს საგარეო საქმეთა მინისტრი მიხეილ ჯანელიძე  კორეის რესპუბლიკის საგარეო საქმეთა მინისტრ იუნ ბიონ სესს შხვდა.

საგარეო უწყების პრესსამსახურის ინფორმაციით, შეხვედრაზე მინისტრებმა დადებითად შეაფასეს საქართველოსა და კორეას წარმატებული ორმხრივი თანამშრომლობა სხვადასხვა სფეროში, რაც გამოიხატა არა მხოლოდ სამთავრობო დონეზე ინტენსიური თანამშრომლობით, არამედ ბიზნეს სექტორისა და ხალხთაშორისი ურთიერთობების განვითარების პოზიტიური ტენდენციით.

 ამ მხრივ კორეის საგარეო უწყების ხელძღვანელმა ხაზი გაუსვა კორეის ბიზნეს წრეების მზარდ დაინტერესებას საქართველოთი, აღინიშნა საქართველოში კორეული ინვესტიციების წარმატებული მაგალითები. განსაკუთრებით კი ჰიდროელექტროსადგურების მშენებლობის კუთხით. 

მინისტრებმა კიდევ ერთხელ აღნიშნეს გაეროს გენერალური ასამბლეის ფარგლებში საქართველოს მიერ ინიცირებული ღონისძიების მნიშვნელობა. საქართველოს საგარეო საქმეთა მინისტრმა მადლობა გადაუხადა კორეას ინიციატივის გაზიარებისა და ღონისძიების თანაორგანიზატორობისთვის. კორეის საგარეო საქმეთა მინისტრმა უაღრესად დადებითი შეფასება მისცა კარგი მმართველობის სფეოში საქართველოს მიღწევებსა და იმ ახალ ინიციატივებს, რომელიც საქართველოს პრემიერ-მინისტრს გააჩნია ელექტრონული მმართველობისა და ქვეყანაში საჯარო მომსახურების გაუმჯობესების მიმართულებით. კორეამ, როგორც ელექტრონული მომსახურების სფეროში რეგიონის წარმატებულმა ქვეყანამ, აღნიშნულ სფეოში ურთიერთგამოცდილების გაზიარების მიზნით საქართველოსთან შემდგომი თანამშრომლობის სურვილი გამოხატა.
 
მინისტრებმა დადებითად შეაფასეს მაღალი დონის ვიზიტების გაცვლის დინამიკა როგორც აღმასრულებელ, ისე საკანონმდებლო დონეზე და მზადყოფნა გამოთქვეს, წვლილი შეიტანონ ურიერთობების შემდგომ განვითარებაში.

მინისტრებმა გამოთქვეს სურვილი გამორჩეულად აღინიშნოს საქართველოსა და კორეას შორის დიპლომატიური ურთიერთობების დამყარების 25 წლისთავი და საიუბილეო თარიღთან დაკავშირებით დაიგეგმოს მთელი რიგი ღონისძიებები. საქართველოს საგარეო საქმეთა მინისტრმა კორეის რესპუბლიკის საგარეო საქმეთა მინისტრი საქართველოში ოფიციალური ვიზიტით მოიწია. 

საუბრისას მხარეებმა კმაყოფილებით აღნიშნეს, რომ ორ ქვეყანას შორის არსებული თანამშრომლობა აქტიურად ვითარდება სხვადასხვა სფეროში, კერძოდ ბოლო პერიოდის განმავლობაში განხორციელდა რიგი მნიშვნელოვანი ვიზიტებისა, როგორც აღმასრულებელი, ისე საკანონმდებლო უწყებების წარმომადგენელთა მხრიდან. მიმდინარეობს ნაყოფიერი მუშაობა სამართლებრივი ბაზის განვითარების კუთხით, რაც მიმდინარე წლის დასაწყისში ორმაგი დაბეგვრის თავიდან აცილების შესახებ მთავრობათაშორისი შეთანხმების გაფორმებაში აისახა და სხვ.
 
შეხვედრაზე მხარეები შეთანხმდნენ, რომ ხელს შეუწყობენ ორი ქვეყნის საგარეო უწყებებს შორის პოლიტიკური კონსულტაციების რეგულარულად ჩატარებას. ასევე მომავალ წელს საქართველოსა და კორეის რესპუბლიკას შორის დიპლომატიური ურთიერთობების დამყარებიდან 25 წლის იუბილის აღსანიშნავად, შეიმუშავებენ შესაბამისი ღონისძიებების გეგმას.​

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოჯთაბა ხამენეი მამის დაკრძალვას, სავარაუდოდ, ვერ დაესწრება

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა