„დღევანდელ შეხვედრაზე პოლიტიკური ხასიათის შეკითხვები იყო“,-ამის შესახებ ეკონომიკისა და მდგრადი განვითარების მინისტრმა გიორგი კვირიკაშვილმა  ჟურნალისტებს პარლამენტში განუცხადა, სადაც  დარგობრივი ეკონომიკისა და ეკონომიკური პოლიტიკის და საფინანსო-საბიუჯეტო კომიტეტების სხდომაზე ეკონომიკური გუნდის მინისტრების მოსმენა გაიმართა.

თუმცა მიუხედავად  ამისა, კვირიკაშვილი დღევანდელი შეხვედრით კმაყოფილია, რადგან  მისივე თქმით, მთავრობამ საკუთარი გეგმები წარმოადგინა.

ამასთან, მინისტრის განცხადებით, მისასალმებელია, რომ მთავრობა როგორც შესრულებულ სამუშაოებზე საუბრობს, ის დაშვებულ შეცდომებსაც აღიარებს.

„დღევანდელ სხდომაზე პოლიტიკური ხასიათის შეკითხვები იყო. მე მინდა ვთქვა, რომ ჩვენ ვართ მთავრობა, რომელიც იმ პრაქტიკას ამკვიდრებს, რომ რაც გაკეთდა ისიც თქვას, ეს ალბათ უფრო ხმამაღლა უნდა ითქვას, მაგრამ თუ რამეში იქნა დაშვებული შეცდომები ისიც აუცილებლად უნდა ითქვას, ჩვენ ზუსტად ამას ვაკეთებთ. სამწუხაროდ, ჩვენი ოპონენტების მხრიდან დღემდე ჩვენ არ მოგვისმენია არც ერთი განცხადება, იმასთან დაკავშირებით, რომ  წინა პერიოდის განმავლობაში რაიმე სწორად არ იქნა გაკეთებული. ამიტომ ვფიქრობ, რომ ეს შეხვედრა იყო კარგი, რადგან წარმოჩნდა რეალური სურათი რა გვაქვს, რას ვაპირებთ და რა ნაბიჯებს ვგეგმავთ“,-აღნიშნა  გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი აცხადებს, რომ თუ ირანთან შეთანხმებას 60 დღეში ვერ მიაღწევენ, აშშ დაბომბვას დაუბრუნდება

საქართველოს რკინიგზის საქმეზე ბრალდებულებს აღკვეთის ღონისძიებად პატიმრობა შეეფარდათ

ნანუკა ჟორჟოლიანი არ გამორიცხავს, ნაციონალური მოძრაობის თავმჯდომარეობისთვის იბრძოლოს

გოგა ხაინდრავამ ფორმულას უჩივლა, პროკურატურამ გამოძიება ცრუ დასმენის მუხლით დაიწყო