გურჯაანის მაჟორიტარობის კანდიდატი დავით სონღულაშვილი ამომრჩევლებთან შეხვედრებს განაგრძობს

2016-09-16 11:21:12, 629 ნახვა

პოლიტიკა

პარტია „ქართული ოცნება-დემოკრატიული საქართველოს“ გურჯაანის მაჟორიტარი დეპუტატობის კანდიდატმა დავით სონღულაშვილმა მორიგი შეხვედრები ჯიმითის, არაშენდისა და ჩალაუბნის მოსახლეობასთან გამართა.

შეხვედრებმა კითხვა-პასუხის რეჟიმში ჩაიარა. კანდიდატმა ამომრჩეველს „ქართული ოცნების“ სამოქმედო გეგმა გააცნო. შეხვედრებზე მოსახლეობამ ყურადღება გაამახვილა ინფრასტრუქტურულ, სოციალურ და უმუშევრობის პრობლემებზე.

დავით სონღულაშვილი მოსახლეობას პრობლემების ეტაპობრივად მოგვარებას დაპირდა. „გურჯაანში კონკრეტული რეფორმებია გასატრებელი ყველა მიმართულებით. ჩვენ უნდა გავაძლიეროთ რაიონი. ჩემი მიზანია, შევქმნა შესაძლებლობები, რათა ნებისმიერმა მონდომებულმა ადამიანმა შეძლოს, აკეთოს თავისი საქმე. მხოლოდ მაქსიმალური შრომით შევძლებთ წარმატების მიღწევას“,- განაცხადა დავით სონღულაშვილმა.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან