2015-03-12 14:16:26, 472 ნახვა
პოლიტიკა
პარლამენტის შენობის სამივე შესასვლელთან საპროტესტო აქციის მონაწილეები დგანან
თბილისში მდებარე პარლამენტის შენობასთან "თავისუფალი ზონის" წევრები საპროტესტო აქციას მართავენ. როგორც "ექსპრესნიუსის" კორესპონდნტი ადგილიდან იუწყება, აქტივისტები შენობის სამივე შესასვლელთან დგანან. ისინი მთავრობის ეკონომიკური გუნდის გადადგომასა და დანაპირების შესრულებას ითხოვენ. აქციის მონაწილეების თქმით, მთავრობა კორუმპირებულია და ხალხს ყოველდღიურად ატყუებს.
ადგილზე საპატრულო პოლიციის თანამშრომლები არიან მობილიზებული, რომლებსაც ცოცხალი ჯაჭვი აქვთ გაკეთებული და საპროტესტო აქციის მონაწილეებს ქუჩის გადაკეტვის საშუალებას არ აძლევენ.
შეკრებილებს დროშები და პლაკატები აქვთ გამოტანილი წარწერებით:"ბიძინა წადი", "ხადურ წადი", "NO ლარი ხადური", " გადადგეს მთავრობა"
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
