დონეცკის ოლქში, კიროვის რაიონში სამხედრო კომისარიატის შენობასთან აფეთქება მოხდა, - ამის შესახებ ადგილობრივი მედია თვითგამოცხადებული დონეცკის სახალხო რესპუბლიკის ე.წ შინაგან საქმეთა სამინისტროს წარმომადგენელზე დაყრდნობით იუწყება.

მაღალჩინოსანის თქმით, აფეთქება კუპრინის ქუჩაზე მოხდა, რის გამოც შენობის პირველ საფრთულზე ფანჯრის მინები დაზიანდა. ჯერჯერობით უცნობია, თუ რა სახის ასაფეთქებელი მოწყობილობა აფეთქდა.

მისივე განცხადებით, ინციდენტის შედეგად არავინ დაშავებულა. ამასთან, შენობა მნიშვნელოვნად დაზიანდა. გარემოებების გასარკვევად ინციდენტის ადგილზე ოპერატიულ-საგამოძიებო ჯგუფი გამოცხადდა.

შეგახსენებთ, რომ ხუთშაბათს, 25 აგვისტოს, დონეცკის სახალხო რესპუბლიკის ხელმძღვანელმა, ალექსანდრ ზახარჩენკომ განაცხადა, რომ მის სახლთან ასაფეთქებელი მოწყობილობა ამოქმედდა. როგორც ზახარჩენკო აცხადებს, ბომბის აღმოჩენის გამო,  ქალაქში უსაფრთხოების ზომები გაძლიერდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა