საქართველოს ფინანსთა სამინისტროს საგამოძიებო სამსახურმა დიდი რაოდენობით ყავის  ფასლიფიკაციის ფაქტი გამოავლინა.

როგორც "ექსპრესნიუსს" ფინანსთა სამინისტროს საგამოძიებო სამსახურიდან აცნობეს, შპს ,,რიჩი“-ს ხელძღვანელები, ქალაქ თბილისში მდებარე ერთ-ერთ ქარხანაში, ყავის მარცვლის დაფქვის შედეგად მიღებულ მასას, მეტი სარგებლის მიღების მიზნით და ყავის მოცულობის და წონის გასაზრდელად, ურევდნენ ამავე ქარხანაში, მათ მიერ დაფქვილი ბარდას ფხვიერ მასას. აღნიშნულის შემდეგ აფასოებდენ 100-გრამიან, 500-გრამიან და სხვა, უფრო დიდი ზომის პოლიეთილენის ქილებში და მათ რეალიზაციას მოატყუებით, თითქოსდა მათი წარმოებული პროდუქტი იყო 100%-ით ნატურალური ყავა,  ახდენდნენ თბილისისა და რეგიონების მასშტაბით, სხვადასხვა მაღაზიებსა და ფიზიკურ პირებზე. 

აღნიშნული ფალსიფიცირებული ყავის რეალიზაცია ასევე დაფასოების გარეშე ხდებოდა, წონით, სხვადასხვა სავაჭრო ობიექტებში.

საგამოძებო სამსახურის მიერ ჩატარებული ჩხრეკის შედეგად დიდი რაოდენობით უვარგისი ყავა და ბარდას მარცვლებია ამოღებული. ასევე დაფასოებისათვის საჭირო პოლიეთილენის ქილები და ეტიკეტებია ამოღებული

გამოძიება საქართველოს სსკ-ის 197-ე მუხლის პირველი ნაწილით მიმდინარეობს, რაც ითვალისწინებს თავისუფლების აღკვეთას ერთიდან სამ წლამდე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს