საქართველოს პრეზიდენტმა გიორგი მარგველაშვილმა ნიცაში მომხდარი ტერაქტის შემდეგ გამოხატული თანაგრძნობისა და მხარდაჭერისათვის საფრანგეთის პრეზიდენტის ფრანსუა ოლანდისგან მადლობის წერილი მიიღო.

„მე გულთან ახლოს მივიტანე თქვენ მიერ გამოგზავნილი მხარდაჭერის დასტური იმ ტრაგიკული ტერაქტის შემდეგ, რომელიც საფრანგეთს მისი ეროვნული დღესასწაულის დღეს დაატყდა თავს ნიცაში. მსურს, გულწრფელიმადლობა გადაგიხადოთ ამისათვის.

ამ უკიდურესად ძალადობრივი აქტისას ჩვენი ფიქრები უპირველეს ყოვლისა ფრანგ და უცხოელ მსხვერპლთა და მათი ოჯახებისკენაა მიმართული.

კიდევ ერთხელ ამოიღეს მიზანში საფრანგეთის მიერ განსახიერებული ღირებულებები - ადამიანისა და თავისუფლების უფლებები.

არ დავნებდებით იმ ბრძოლაში, რომელსაც ტერორიზმის წინააღმდეგ ვახორციელებთ.  

ეს ბრძოლა ხანგრძლივი იქნება იმ იდეების ირგვლივ, რომლებსაც ჩვენ ვიცავთ. ჩვენ დავრჩებით ერთგული 14 ივლისის დაღუპულთა სულებისადმი და ყოველთვის უფრო ძლიერები ვიქნებით, ვიდრე ის ფანატიკოსები.

თქვენი მეგობრული გზავნილი, ისევე როგორც ჩვენი ქვეყნის მიმართ გამოხატული საერთაშორისო სოლიდარობა, თანაბრად ძვირფასი მხარდაჭერაა, რომელიც აძლიერებს ჩვენს სიმტკიცეს, ჩვენს ერთიანობასა და ჩვენს მიზანმიმართულობას".

კიდევ ერთხელ გიხდით მადლობას და გთხოვთ, მიიღოთ ბატონო პრეზიდენტო, ჩემი უღრმესი პატივისცემა", - აღნიშნულია ფრანსუა ოლანდის წერილში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს