სოფლის მეურნეობის მინისტრის მოადგილე ლევან დავითაშვილი ცენტრალურ და აღმოსავლეთ ევროპაში მეთევზეობის განვითარების საერთაშორისო ორგანიზაციის (Eurofish) დირექტორს, იანა აფანასიევას შეხვდა.

სოფლის მეურნეობის სამინისტროს ინფორმაციით, შეხვედრაზე მინისტრის მოადგილემ ვრცლად ისაუბრა საქართველოში მეთევზეობის განვითარების პოტენციალზე და ყურადღება აკვაკულტურის, როგორც დარგის განვითარების პრიორიტეტულობაზე გაამახვილა.

უწყების ინფორმაციით, ლევან დავითაშვილმა სოფლის მეურნეობის განვითარების ხელშეწყობაში დონორი ორგანიზაციების მხარდაჭერის მნიშვნელობაზე გაამახვილა ყურადღება და დეტალურად ისაუბრა გაეროს სურსათისა და სოფლის მეურნეობის ორგანიზაციის (UN FAO) მიერ  დარგის განვითარებაში შეტანილი წვლილის შესახებ.

იანა აფანასიევამ საქართველოში აკვაკულტურის განვითარების პოტენციალი დადებითად შეაფასა. შეხვედრაზე მეთევზეობის საერთაშორისო ორგანიზაციაში საქართველოს გაწევრიანების საკითხთან დაკავშირებით ისაუბრეს.

მეთევზეობის დარგში თანამედროვე გამოცდილების გაზიარების მიზნით ერთობლივი სამუშაო შეხვედრა დაიგეგმა.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს