2016 წელი ქართული ენერგეტიკისთვის უმნიშვნელოვანესი პროექტებით გამორჩეული წელია. სექტემბრის თვეში ენერგოსისტემას კიდევ სამი, უახლესი ტექნოლოგიებით აღჭურვილი ქვესადგური შეემატება.

აზიის განვითარების ბანკის ხელშეწყობით, "საქართველოს სახელმწიფო ელექტროსისტემა“ ქვეყნის ენერგეტიკისთვის მნიშვნელოვანი ქვესადგურის, „ქსანი-500“-ის სრული რეაბილიტაციის პროექტს ახორციელებს. პროექტის განხორციელების შედეგად, მკვეთრად გაუმჯობესდება ქვეყნის აღმოსავლეთ ნაწილის, განსაკუთრებით თბილისის და შიდა ქართლის ელექტროენერგიით მომარაგება, გაიზრდება საქართველოს ენერგოსისტემის საიმედოობა და განხორციელდება ელექტროენერგიის ექსპორტისა და იმპორტის ხელშეწყობა.

მეორე პროექტი, რომელიც ასევე აზიის განვითარების ბანკის ხელშეწყობით ხორციელდება, ქვესადგურის „მარნეული-500“-ის მშენებლობაა. ქვესადგური იქნება დახურული ტიპის, რაც ქვესადგურის მორიგე-ოპერატიული პერსონალის გარეშე ფუნქციონირებას და მის სრულ დისტანციურ მართვას გულისხმობს.პროექტი ხელს შეუწყობს აღმოსავლეთ საქართველოში მდებარე გენერაციის ობიექტებიდან სიმძლავრის გამოტანას და სომხეთთან სამომავლოდ დაგეგმილი სატრანზიტო კავშირის განხორციელებას.

კიდევ ერთი მნიშვნელოვანი პროექტი, რომელსაც სსე ახორციელებს, გულისხმობს ახალი, ქვესადგურის "ჯვარი-500" მშენებლობას. პროექტის დასრულების შემდეგ, საგრძნობლად გაუმჯობესდება საერთაშორისო და ადგილობრივი მომსახურების ხარისხი და საიმედოობა, განხორციელდება ფოთის თავისუფალი ინდუსტრიული ზონისთვის საჭირო სიმძლავრით უზრუნველყოფა და მდინარე ენგურის აუზის პერსპექტიული ჰესების სიმძლავრის გატანა თურქეთში. სამუშაოები გეგმის მიხედვით მიმდინარეობს, "საქართველოს სახელმწიფო ელექტროსისტემა" სამივე პროექტის დასრულებას სექტემბრის თვეში გეგმავს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს