შეზღუდული შესაძლებლობის მქონე პირთა დასაქმების ხელშეწყობის მიზნით, საქართველოს მთავრობის ადმინისტრაციის ადამიანის უფლებათა დაცვის სამდივნოს კოორდინაციით, შეხვედრა გაიმართა.

შეხვედრაზე სახელმწიფოსა და ბიზნესის თანამშრომლობის პერსპექტივები და შეზღუდული შესაძლებლობის მქონე და სპეციალური საგანმანათლებლო საჭიროების მქონე პირთა დასაქმების ხელშეწყობის საკითხები განიხილეს.  

ყურადღება დაეთმო საქართველოს მთავრობის მიერ დამტკიცებული სამუშაოს მაძიებელთა პროფესიული მომზადება-გადამზადების და კვალიფიკაციის ამაღლების სახელმწიფო პროგრამას, რომლის ფარგლებშიც შშმ და სსმ პირთა დამსაქმებლებთან შეთანხმებით, ხელფასის 50%-იანი სუბსიდირება (არაუმეტეს 460 ლარისა), სახელმწიფო ბიუჯეტიდან განხორციელდება.

შეხვედრის მონაწილეები პოტენციური დამსაქმებლებისა და სამუშაოს მაძიებელ შშმ პირთა შესახებ ინფორმაციის გაცვლაზე შეთანხმდნენ. ამ პროცესში აქტიურად იქნებიან ჩართული სოციალური მომსახურების სააგენტოს დასაქმების კონსულტანტები.

შეხვედრაში საქართველოს შრომის, ჯანმრთელობისა და სოციალური დაცვის სამინისტროს, სოციალური მომსახურების სააგენტოს, საქართველოს განათლებისა და მეცნიერების სამინისტროს, სამოქალაქო განვითარების სააგენტოსა და ამერიკის სავაჭრო პალატის წარმომადგენლები მონაწილეობდნენ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს