„ეკონომიკა სხვა თვალით" - ამ სახელწოდებით ფინანსთა მინისტრმა, თბილისის ივანე ჯავახიშვილის სახელობის თბილისის სახელმწიფო უნივერსიტეტის პროფესორმა ნოდარ ხადურმა ფინანსთა სამინისტროს აკადემიაში ღია ლექცია გამართა.

 „ჩემთვის ყოველთვის სასიამოვნოა ახალგაზრდებთან შეხვედრა და მათთან საუბარი. დღეს ძალიან საინტერესო ლექცია შედგა - ვისაუბრეთ ზოგადად ეკონომიკაზე, საქართველოს ეკონომიკის ძირითად გამოწვევებზე, მის პოტენციალსა და ჩემს ხედვებზე, თუ რა მიმართულებებით ვმუშაობთ და როგორ ვხედავთ საქართველოს ეკონომიკის განვითარებას. შევეხეთ მნიშვნელოვან ეკონომიკურ საკითხებს და ვისაუბრეთ „არაეკონომიკური" ენით, რაც ძალიან საინტერესო აღმოჩნდა ჩემთვის და იმედი მაქვს, ლექციის მონაწილეებისთვისაც. ვფიქრობ, ნაყოფიერი შეხვედრა იყო, რისთვისაც მადლობას ვუხდი თითოეულ მონაწილეს," - აღნიშნა ნოდარ ხადურმა.

 ლექციას დაესწრნენ ის ახალგაზრდები, რომლებიც სასწავლო პრაქტიკასა და სტაჟირებას გადიან ფინანსთა სამინისტროში, ასევე, სხვადასხვა უმაღლესი სასწავლებლის სტუდენტები, რომელთა შორისაც იყვნენ როგორც ეკონომიკისა და ბიზნესის ფაკულტეტის, ისე ჰუმანიტარულ, სოციალურ და პოლიტიკურ მეცნიერებათა და იურიდიული ფაკულტეტების სტუდენტები.

 შეხვედრა ინტერაქტიულ რეჟიმში წარიმართა.

ფინანსთა მინისტრმა, ნოდარ ხადურმა ახალგაზრდების მიერ დასმულ შეკითხვებს უპასუხა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს