"კულტურის მინისტრმა ოპერის თეატრის სამხატვრო ხელმძღვანელს და დირექტორს პოზიციების დატოვება შესთავაზა" - ამის შესახებ კულტურის მინისტრმა მიხეილ გიორგაძემ ოპერის თეატრში მიმდინარე მოვლენებთან დაკავშირებით გამართულ ბრიფინგზე განაცხადა.

მინისტრის განცხადებით, თუ ისინი მათი ნებით არ გადადგებიან, "სამინისტრო მიიღებს გადაწყვეტილებას  მენეჯმენტის  გათავისუფლებასთან დაკავშირებით".

„საზოგადოებისთვის კარგად ცნობილია ის დაპირისპირება, რომელიც ბოლო პერიოდია ოპერისა და ბალეტის თეატრში ხდება.  

მიუხედავად სამინისტროს არაერთგზის მცდელობისა, მხარეებს ურთიერთბრალდებები კონსტრუქციულ ვითარებაში განეხილათ, უშედეგოდ დასრულდა.

უწყება ვერ ხედავს  ვერავითარ ნიშანს, რომ ამ მენეჯმენტის პირობებში, სიტუაცია დარეგულირდება. უფრო მეტიც, პროცესები სრულიად მიუღებელ ფორმაში გადაიზარდა. აშკარაა, რომ ადგილი აქვს  მმართველ რგოლებს შორის სრულ დისკომუნიკაციას და შეუთანხმებელ ქმედებებს.

ამიტომაც, დღევანდელ შეხვედრაზე  მინისტრმა თეატრის სამხატვრო  ხელმძღვანელს და დირექტორს შესთავაზა დატოვონ დაკავებული პოზიციები.

თუ მათი მხრიდან დღეს დღის ბოლომდე არ იქნება გადადგმული შესაბამისი ნაბიჯი, სამინისტრო მიიღებს  გადაწყვეტილებას  მენეჯმენტის  გათავისუფლებასთან დაკავშირებით“, - განაცხადა მინისტრმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნავროცკიმ ზელენსკის მიმართა „თეთრი არწივის“ სკანდალის ფონზე

ღობის საქმის მოსამართლე: თქვენ ყველანი პატიოსანი ადამიანები ხართ, მაგრამ კანონი დაარღვიეთ

ევროპის საბჭოს საპარლამენტო ასამბლეის რეზოლუციის პროექტში საქართველოში დემოკრატიის უკუსვლაზეა საუბარი

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს