გიორგი კვირიკაშვილი: გადასახადების შემცირებაზე ვმუშაობთ

2015-03-05 12:20:05, 1109 ნახვა

ეკონომიკა

„გადასახადების გაზრდას არ ვაპირებთ, პირიქით მათ შემცირებაზე ვმუშაობთ“,-ამის შესახებ ეკონომიკისა და მდგრადი განვითარების მინისტრმა გიორგი კვირიკაშვილმა ჟურნალისტებთან საუბრისას განაცხადა.

კვირიკაშვილის თქმით, ბიუჯეტის კორექტირების კუთხით მნიშვნელოვანია ყველა ხარჯის სწორად გათვლა.

„გადასახადების გაზრდას არ ვაპირებთ, პირიქით მიმდინარეობს სერიოზული განხილვა, რომ შევამციროთ ისინი. ამიტომ ამ ნაწილში ჩვენ ლიბერალიზაცია გვჭირდება. რაც შეეხება ხარჯების შემცირებას, ჩვენ ძალიან ინტენსიურდ ვმუშაობთ მათ შესამცირებლად, ხოლო სამოქმედო გეგმა მზად ალბათ უახლოეს დღეებში იქნება. ძალიან მოცულობითი სამუშაოა ჩასატარებელი. მოგეხსენებათ ბიუჯეტის კორექტირების კუთხითაც ძალიან მნიშვნელოვანია, რომ დღეს სწორედ გავთვალოთ ყველა ხარჯი“,-განაცხადა გიორგი კვირიკაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან