2016-07-15 03:47:03, 1383 ნახვა

---

ნიცაში სამართალდამცავებმა სპეცოპერაციის დროს სატვირთოს მძღოლი მოკლეს, ავტომობოლში კი ცეცხლსასროლი იარაღი და ხელყუმბარები აღმოაჩინეს

სატვირთო ავტომობილის მძღოლი, რომელმაც ნიცაში ტერორისტული აქტი მოაწყო, რამდენიმე წუთის წინ, ადგილობრივმა სამართალდამცავებმა სპეცოპერაციის დროს მოკლეს.

როგორც ფრანგული მედია იუწყება, პოლიციამ სატვირთო ავტომობილში ცეცხლსასროლი იარაღი და ხელყუმბარები აღმოაჩინა.

წინასწარი ინფორმაციით სატვირთო ავტომობილი 100 კმ/საათი სიჩქარით მოძრაობდა. თვითმხილველების განცხადებით, ავტომანქანა მანამდე დიდი სისწრაფით მოდიოდა, რათა რაც შეიძლება მეტი ადამიანები გაეტანა.

შეგახსენებთ, ნიცაში, საფრანგეთში ხალხმრავალ ადგილას სატვირთო ავტომობილი შევარდა. როგორც ცნობილი ხდება, ადგილზე ადგილობრივი მოსახლეობა და ტურისტები ბასტილიის აღების დღეს აღნიშნავდნენ და გარეთ ფოიერვერკების შოუს სანახავად იყვნენ შეკრებილები, რა დროსაც მოულოდნელად ტერიტორიაზე სატვირთო ავტომობილი შევარდა. შემთხვევის შედეგად დაიღუპა 73 ადამიანი, 100-მდე კი დაშავდა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი