ევროპარლამენტის წევრის, სოციალ-დემოკრატების ალიანსის წარმომადგენლის, ლატვიელი დეპუტატის ანდრეას მამიკინსის განცხადებით, საქართველოსთვის ვიზალიბერალიზაციის პროცესი რაც შეიძლება მალე უნდა დასრულდეს. 

ამასთან, ანდრეას მამიკინსმა საქართველოში დემოკრატიული ღირებულებების პატივისცემის აუცილებლობასა და ოქტომბერში დაგეგმილი საპარლამენტო არჩევნების მნიშვნელობაზე ისაუბრა.

“საგარეო ურთიერთობათა კომიტეტი ყოველთვის უსვამდა ხაზს კანონის უზენაესობის, სასამართლოს დამოუკიდებლობის, დემოკრატიული პრინციპების პატივისცემის მნიშვნელობას. ამ კონტექსტში კომიტეტი გააგრძელებს ევროკავშირსა და საქართველოს შორის ასოცირების შეთანხმების განხორციელების მონიტორინგს განსაკუთრებით ამ სფეროებში, მოახლოებული საპარლამენტო არჩევნების გათვალისწინებით, რომელიც იქნება ლაკმუსის ტესტი საქართველოს დემოკრატიული ინსტიტუტების გაძლიერებისთვის. ევროპარლამენტმა უნდა განახორციელოს არჩევნების წინ ვითარების მონიტორინგი და გააგზავნოს არჩევნებზე სადამკვირვებლო მისია იმის უზრუნველსაყოფად, რომ დაცულია უმაღლესი საერთაშორისო სტანდარტები. ნებისმიერი ძაალდობა არის და იქნება უმკაცრესად დაგმობილი", - განაცხადა ევროპარლამენტის საგარეო ურთიერთობათა კომიტეტის წევრმა.

მისივე თქმით, ვიზალიბერალიზაციის შემდეგ მოქალაქეები უფრო მეტ სარგებელს მიიღებენ. 

"საქართველოს მოქალეებისთვის ვიზალიბერალიზაციის მნიშვნელობის გათვალისწინებით, კომიტეტი ისურვებდა, ეხილა პროცედურის სწრაფი დასრულება და რეგულაციის რაც შეიძლება მალე ძალაში შესვლა, რომ მოქალაქეებმა რაც შეიძლება მალე მიიღონ სარგებელი”, - აღნიშნა მამიკინსმა.

შეგახსენებთ, რომ დღეს, ევროპარლამენტის საგარეო ურთიერთობათა კომიტეტმა საქართველოსთვის სავიზო რეჟიმის გაუქმების საკანონდებლო ინიციატივას მხარი დაუჭირა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს