სოხუმში ოპოზიციამ ე.წ. შინაგან საქმეთა სამინისტროს შენობის შტურმით აღება სცადა, - ამის შესახებ "სპუტნიკ-აბხაზიი" იუწყება. 

მედია საშუალების იფნრომაციით, ასობით დემონსტრანტი ოკუპირებული აფხაზეთის დეფაქტო შინაგან საქმეთა მინისტრის ლეონიდ ძიაპშბას გადადგომას ითხოვს.

საპროტესტო აქცის მონაწილეებმა სამინისტროს ჭიშკრის შემტვრევა შეძლეს და უწყების წინ მდებარე ეზოში შეიჭრნენ. როგორც დემონსტრანტები აცხადებენ, ძიაპშბას გადადგომამდე არ დაიშლებიან.

მედის ცნობით, ოპოზიცია არაღიარებული აფხაზეთის ე.წ. შინაგან საქმეთა მინისტრის გადადომას უსაფრთხოების მდგომარეობის მხრივ ვითარების გაურესების გამო ითხოვს. გარდა ამისა საპროტესტო აქციის მონაწილეები აცხადებენ, რომ 10 ივლისს დაგეგმილ რეფრენდუმში მონაწილეობასთან დაკავშირებული მათი უფლებები ირღვევა.

ცნობისთვის, აფხაზეთში 10 ივლისს ე.წ. ვადამდელი საპრეზიდენტო არჩევნების დანიშვნის შესახებ რეფერენდუმი უნდა გაიმართოს. ოპოზიცია აფხაზეთის დეფაქტო ხელისუფლებას რეფერენდუმის ჩაშლის მცდელობაში ადანაშაულებს და კენჭისყრის შემოდგომაზე გადატანას ითხოვს, რაზეც ე.წ. მთავრობა უარს აცხადებს.

აფხაზეთის დეფაქტო პრეზიდენტმა რაულ ხაჯიმბამ ოპოზიცია ვითარების დესტაბილიზაციაში დაადანაშაულა.

“ოპოზიცია რეფერენდუმის ჩაშლაზე მიდის, რადგან მისი შესაძლო შედეგები არ გაამართლებს მისი ინიციატორების იმედებს”, - განაცხადა ხაჯიმბამ.

ოკუპირებული აფხაზეთის ე.წ. თავდაცვის მინისტრი მიტინგის მონაწილეებს სიმშვიდისკენ მოუწოდებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს