სამწუხაროდ, ამ შემთხვევაში ჩვენი მთავრობისთვის უფრო მნიშვნელოვანი აღმოჩნდა ვიწრო პარტიული ინტერესი ვიდრე ქვეყნის ინტერესი, - ამის შესახებ "ნაციონალური მოძრაობის" წევრმა გიორგი კანდელაკმა ჟურნალისტებს განუცხადა.

როგორც კანდელაკმა აღნიშნა, საქართველოს მთავრობამ არა თუ არ გამოიყენა ეს შანსი, არამედ იმუშავა ამ შანსის წინააღმდეგ.

"ეუთო-ს საპარლამენტო ასამბლეა მოიცავს 56 ქვეყანას, მათ შორის შეერტებულ შტატებს, ცენტრალური აზიის ქვეყნებს. ამხელა მასშტაბის და დონის ორგანიზაციებში საქართველოს წარმომადგენლის მეორე ტურში გასვლა და ასეთი მცირე სხვაობით დამარცხება არის უკვე უდიდესი წარმატება საქართველოსთვის. ეს იყო შანსი საქართველოსთვის, რათა ამხელა საერთაშორისო დონეზე მთელი სიმწვავით დამდგარიყო ჩვენი ქვეყნისთვის მნიშვნელოვანი საკითხები როგორიც არის ჩვენი ტერიტორიების დეოკუპაცია, როგორიც არის დევნილთა დაბრუნება და სუვერენიტეტის საკითხები. აღსანიშნვია, რომ დეპუტატების გარკვეულმა რაოდენობამ, რომლებმაც გუშინ წინასწარი ხმის მიცემის დროს ყველამ გიგი წერეთელს დაუჭირა მხარი, სამწუხაროდ ასამბლეის დატოვება მოუწიათ და მეორე ტურში მონაწილეობა ვერ მიიღეს. დასანანია, გიგი წერეთელი იყო შანსი საქართველოსთვის, რომ ჩვენი პრობლემები საერთაშორისო ასპარეზზე უმაღლეს დონეზე დამდგარიყო. სამწუხაროა, რომ საქართველოს მთავრობამ არა თუ არ გამოიყენა ეს შანსი, არამედ იმუშავა ამ შანსის წინააღმდეგ", - განაცხადა "ნაციონალური მოძრაობის" წევრმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს