საგარეო საქმეთა მინისტრის პირველმა მოადგილემ დავით ზალკალიანმა ვენაში, უსაფრთხოების საკითხების გადახედვის ეუთო-ს ყოველწლიურ კონფერენციაში მიიღო მონაწილეობა.

საგარეო უწყების ინფორმაციით, კონფერენციაზე დავით ზალკალიანმა ეუთო-ს მონაწილე ქვეყნების დელეგაციებს სიტყვით მიმართა.

ეუთო-ს სივრცეში არსებული კონფლიქტებისადმი მიძღვნილ სამუშაო სესიაზე საგარეო საქმეთა მინისტრის პირველმა მოადგილემ საქართველოს ოკუპირებულ ტერიტორიებზე ადამიანის უფლებების დარღვევის ფაქტებზე და უსაფრთხოების კუთხით არსებულ მძიმე მდგომარეობაზე ისაუბრა. დავით ზალკალიანმა ყურადღება გაამახვილა 19 მაისს, ზუგდიდის რაიონის სოფელ ხურჩაში, საქართველოს მთავრობის მიერ კონტროლირებად ტერიტორიაზე, ე.წ. „მესაზღვრეების" მიერ საქართველოს მოქალაქის მკვლელობის ფაქტზე.

თავის გამოსვლაში, საქართველოს დელეგაციის ხელმძღვანელმა ხაზი გაუსვა ჟენევის საერთაშორისო დისკუსიების ფორმატის მნიშვნელობას და მის ფარგლებში მოლაპარაკებების ძირითად თემებზე პროგრესის მიღწევის აუცილებლობას. მან ასევე დააფიქსირა,  საქართველო-რუსეთის კონფლიქტის მშვიდობიანი გზით მოგვარების პროცესში ეუთო-ს ჩართულობის გაზრდის საჭიროება.

საგარეო საქმეთა მინისტრის პირველმა მოადგილემ კონფერენციის ფარგლებში ასევე გააკეთა განცხადება უკრაინის თემისადმი მიძღვნილ სპეციალურ სამუშაო სესიაზე. სიტყვით გამოსვლისას, დავით ზალკალიანმა კიდევ ერთხელ დაადასტურა საქართველოს მკაფიო მხარდაჭერა უკრაინის სუვერენიტეტისა და ტერიტორიული მთლიანობისადმი, მის საერთაშორისოდ აღიარებულ საზღვრებში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს