საქართველოს საავტომობილო ფედერაციის და „Auto Bild საქართველოს“ ორგანიზებით წლის შემაჯამებელი საავტომობილო ღონისძიება „ოქროს საჭე 2014“ გაიმართა. 

ღონისძიებაზე ავტოსპორტში საქართველოს ჩემპიონატში გამარჯვებულთა დაჯილდოვება და 2014 წლის საუკეთესო ავტომობილების გამოვლენა მოხდა.

წლის ყველაზე მნიშვნელოვან საავტომობილო მოვლენაზე კონკურსანტთა შორის იყვნენ შინაგან საქმეთა სამინისტროს მომსახურების სააგენტოს სპორტული გუნდი „MIA Force” და საპატრულო პოლიციის სახელით მოასპარეზე გუნდი „BFT Racing”. ორივე გუნდი მთელი წლის განმავლობაში წარმატებით გამოდიოდა საქართველოს ჩემპიონატის ყველა ეტაპზე. 

დაჯილდოვების ცერემონიალს შინაგან საქმეთა მინისტრის მოადგილე არჩილ თალაკვაძე და საპატრულო პოლიციის დეპარტამენტის დირექტორის მოადგილე გიორგი ჭანტურია ესწრებოდნენ. მათ გამარჯვებულებს გამარჯვება მიულოცეს და წარმატება უსურვეს.

ცნობისთვის, „MIA Force”-მა „ოქროს საჭე 2014“-ზე სულ ოთხი ჯილდო მოიპოვა. გუნდმა „ლეგენდის“ კლასის ავტომობილებით რბოლაში გუნდური მესამე ადგილი, ხოლო „Formula Alfa”-ს კლასში მეორე ადგილი დაიკავა. „MIA Force”-ის მრბოლელმა დათა ქაჯაია კი საერთაშორისო ასპარეზზე მიღწეული წარმატებისთვის საავტომობილო ფედერაცისგან სპეციალური სიგელით დაჯილდოვდა. მან კიდევ ერთი ჯილდო - „ლეგენდის“ კლასში ინდივიდუალურ ჩათვლაში მე-2 ადგილი მოიპოვა.

რაც შეეხება საპატრულო პოლიციის სახელით მოასპარეზე გუნდ „BFT Racing“-ს, მათ საქართველოს ჩემპიონატში წრიულ რბოლაში „ლეგენდის“ კლასის ავტომობილებით რბოლაში გუნდური პირველი ადგილი აიღეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა