აზიის განვითარების ბანკი(ADB) საქართველოს მთავრობის რეფორმების ოთხპუნქტიან გეგმას მხარდაჭერას უცხადებს, - ამის შესახებ ADB-ის აღმასრულებელმა დირექტორებმა საქართველოს პრემიერ-მინისტრ გიორგი კვირიკაშვილთან დღევანდელ შეხვედრაზე განაცხადეს.

მთავრობის მეთაურმა აზიის განვითარების ბანკს თანამშრომლობისთვის მადლობა გადაუხადა და აღნიშნა, რომ საქართველო აფასებს ADB-ის მხარდაჭერას ქვეყანაში ინფრასტრუქტურის განვითარების, საბიუჯეტო მხარდაჭერის და შეღავათიანი ფინანსური რესურსების გამოყოფის მიმართულებით.
შეხვედრისას დეტალურად ისაუბრეს საქართველოს მთავრობის ოთხპუნქტიანი რეფორმების გეგმაზე, ინფრასტრუქტურის განვითარების მიზნით დაგეგმილ პროექტებსა და განათლების რეფორმაზე. აზიის განვითარების ბანკის წარმომადგენლებმა მზადყოფნა გამოთქვეს, დაეხმარონ საქართველოს, როგორც სატრანსპორტო დერეფნის როლის გაძლიერებას, ისე - პროფესიული განათლების სისტემის რეფორმირების კუთხით.

აზიის განვითარების ბანკი  საქართველოში ყველაზე დიდი პორტფელის მქონე განვითარების პარტნიორია. ADB საქართველოს მხარს უჭერს ინფრასტრუქტურული საინვესტიციო პროექტების განხორციელებაში, ასევე დამტკიცებული აქვს საბიუჯეტო მხარდაჭერის სამწლიანი პროგრამა, ახორციელებს სხვადასხვა ტექნიკური დახმარების პროგრამას.

შეხვედრისას ხაზი გაესვა აზიის განვითარების ბანკის აღმასრულებელი დირექტორების ვიზიტის მნიშვნელობას და აღინიშნა, რომ მსგავსი წარმომადგენლობითი ვიზიტი საქართველოში ADB-დან ჯერ არ განხორციელებულა.

აზიის განვითარების ბანკის 7 აღმასრულებელი და ალტერნატიული დირექტორი საქართველოში სამდღიანი ვიზიტით იმყოფება. დელეგაციაში, რომელსაც ADB-ის დირექტორთა საბჭოს აღმასრულებელი დირექტორი, ჟონჟინ უანი ხელმძღვანელობს, ADB-ის დირექტორთა საბჭოს აღმასრულებელი დირექტორები - მეთიუ ფოქსი, გაუდენშო ჰერნანდეს უმცროსი, ფილასლაკ იუკასემუონგი, მაპა პატირანა, მაიკლ შტრაუსი, შარაფჯონ შერალიევი იმყოფებიან. პრემიერ-მინისტრთან დღევანდელ შეხვედრას ADB-ის მუდმივი წარმომადგენელი საქართველოში იეშიმ ელჰან-კაიალარი, ADB-ის მუდმივი წარმომადგენლის მოადგილე გიორგი კიზირია, ხოლო საქართველოს მხრიდან - საქართველოს პირველი ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი, ფინანსთა მინისტრი ნოდარ ხადური, რეგიონული განვითარებისა და ინფრასტრუქტურის მინისტრი ნოდარ ჯავახიშვილი, პრემიერ-მინისტრის თანაშემწე, ეკონომიკური საბჭოს მდივანი გიორგი გახარია, ფინანსთა მინისტრის მოადგილე დავით ლეჟავა და რეგიონული განვითარებისა და ინფრასტრუქტურის მინისტრის პირველი მოადგილე ილია დარჩიაშვილი დაესწრნენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს

„გახარია საქართველოსთვის“ პარლამენტში მომხდარი ჩხუბის გამოძიებას მოითხოვს

რა შეიცვალა საქართველოს ეკონომიკისთვის ახლო აღმოსავლეთის შეთანხმებიდან ორი კვირის თავზე?

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური