ფეხბურთის გულშემატკივრების 4-წლიანი მოლოდინი დასრულდა. დღეს, საღამოს 23:00-ზე საფრანგეთის დედაქალაქ პარიზში, სტადიონ "სტად დე ფრანზე" 2016 წლის ევროპის ჩემპიონატის ფინალური ეტაპი დაიწყება.

გახსნით მატჩი ერთმანეთს ტურნირის მასპინძელი საფრანგეთისა და რუმინეთის ეროვნული ნაკრებები დაუპირისპირდებიან.

ევროპის 2016 წლის ჩემპიონატი ერთი თვის განმავლობაში - 10 ივლისამდე გაგრძელდება. მასში მონაწილეობას 24 ნაკრები მიიღებს.

ევროპის ჩემპიონის ბოლო ორი ტიტულის მფლობელი ესპანეთის ნაკრებია. ტურნირის მთავარ ფავორიტად საფრანგეთის, გერმანიისა და ესპანეთის ნაკრებები ითვლებიან. სპეციალისტები ფავორიტებში ასევე ასახელებენ, იტალიას, ინგლისს, ბელგიასა და პორტუგალიას.

ევროპის ჩემპიონატზე შემდეგი გუნდები იასპარეზებენ: 
A ჯგუფი - საფრანგეთი, შვეიცარია, ალბანეთი, რუმინეთი; 
B ჯგუფი - ინგლისი, უელსი, რუსეთი, სლოვაკეთი; 
C ჯგუფი - გერმანია, პოლონეთი, ჩრდილოეთ ირლანდია, უკრაინა; 
D ჯგუფი -ესპანეთი, ჩეხეთი, თურქეთი, ხორვატია; 
E ჯგუფი - იტალია, შვედეთი, ბელგია, ირლანდია; 
F ჯგუფი - ავსტრია, პორტუგალია, ისლანდია, უნგრეთი.

აღსანიშნავია, რომ ევრო 2016-ის მიმდინარეობისას უსაფრთხოების უპრეცენდენტო ზომებია მიღებული. როგორც საფრანგეთის ხელისუფლებამ განაცხადა, ევროპის საფეხბურთო ჩემპიონატის დროს ქვეყანაში  უსაფრთხოებას პოლიციის, ჟანდარმერიისა და სამოქალაქო თავდაცვის სამსახურის 77 000 თანამშრომელი, ასევე დაცვის კერძო სამსახურების 13 000 თანამშრომელი უზრუნველყოფს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა