5 ევროპული ქვეყანა ბრიუსელს მოუწოდებს, მიანიჭოს საქართველოს უვიზო რეჟიმი ევროკავშირისადმი ნდობის შესანარჩუნებლად, - ამის შესახებ Euobserver წერს.

Euobserver-ის ინფორმაციით, ბულგარეთის, ესტონეთის, ლატვიის, ლიტვისა და რუმინეთის შინაგან და საგარეო საქმეთა მინისტრებმა ევროკავშირის საბჭოს თავმჯდომარე ქვეყანას - ნიდერლანდებს და ევროკავშირის საგარეო უწყებას ერთობლივი წერილით მიმართეს.

წერილში ხუთი ქვეყნის წარმომადგენლები იმედს გამოთქვამენ, რომ საქართველოს ვიზალიბერალიზაციის საკითხზე შეთანხების მიღწევა 10 ივნისს ლუქსემბურგში შინაგან საქმეთა მინისტრების შეხვედრაზე ან 20 ივნისს საგარეო საქმეთა მინისტრების შეხვედრაზე იქნება შესალებელი.

Euobserver-ის ცნობით, წერილში აღნიშნულია, რომ საქართველომ სავიზო რეჟიმის გასაუქმებლად ევროკავშირის ყველა მოთხოვნა შეასრულა, ამიტომ საჭირა, ევროკავშირმა შეთანხმების თავისი წილი შეასრულოს.

“გადაწყვეტილების მიღების შეყოვნება ჩვენდამი ნდობას დააზარალებს და შესაძლოა, იქონიოს უარყოფითი შედეგი საქართველოსა და სხვა პარტნიორ ქვეყნებში ევროინტეგრაციასთან დაკავშირებულ რეფორმებზე”, - ნათქვამია წერილში. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა