2016-05-31 18:21:32, 1039 ნახვა
სამართალი
"რუსთავი2"-ის საქმეზე პროცესი 3 ივნისს გაგრძელდება
სააპელაციო სასამართლოში "რუსთავი2"-ის საქმის განხილვა დასრულდა. პროცესი 3 ივნისს 14:00 საათზე ქიბარ ხალვაშის მხარის პოზიციის მოსმენით განახლდება.
დღევანდელ სხდომაზე, რომელიც დილიდან მიმდინარეობდა, სასამართლომ ტელეკომპანიის საჩივარი მოისმინა.
ამასთან, მოპასუხე მხარემ რამდენიმე შუამდგომლობაც დააყენა, თუმცა არ დაკმაყოფილდა. კერძოდ, "რუსთავი2"-ის ინტერესების დამცველებმა პროცესის გადადება და მოსამართლეების აცილება მოითხოვეს, თუმცა, მოსამართლეთა კოლეგიამ აღნიშნული შუამდგომლობების დაკმაყოფილება საჭიროდ არ მიიჩნია.
"რუსთავი2"-ის საჩივარი თბილისის საქალაქო სასამართლოს მოსამართლე თამაზ ურთმელიძის 2015 წლის 3 ნოემბრის გადაწყვეტილებას ეხება, რომლითაც ტელეკომპანიის წილის 100% ბიზნესმენ ქიბარ ხალვაშს გადაეცა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
