თბილისის საკრებულოში მორიგი სხდომა გაიმართა. დღის წესრიგით გათვალისწინებული საკითხები სხდომაზე დეპუტატებს საკრებულოს თავმჯდომარე გიორგი ალიბეგაშვილმა წარუდგინა.

თბილისის  მერიის ქონების მართვის სააგენტოს უფროსმა, კარლო ლაფერაძემ საკრებულოს წევრებს 2015 წლის 13-14 ივნისს მომხდარი სტიქიის შედეგად დაზარალებულ პირთა (ოჯახთა) საცხოვრისით უზრუნველყოფის, უძრავი ქონების დათმობისა და სხვა სახის ფულადი დახმარების გაცემის წესის დამტკიცების შესახებ საკრებულოს დადგენილებაში ცვლილების შეტანის შესახებ ინფორმაცია მიაწოდა და განმარტა, რომ ცვლილების მიხედვით, 13-14 ივნისს მომხდარი სტიქიის ზონაში ქირით მცხოვრები ოჯახებისთვის თანხები დამატებით გამოიყოფა.

 საკრებულოს თავმჯდომარის პირველმა მოადგილემ, გიორგი ტყემალაძემ განაცხადა, საკითხი სხდომამდე შესაბამისმა კომისიებმა განიხილეს და საკრებულოს უმრავლესობის ინიციატივით ერთ და 2-სულიან ოჯახებს ერთჯერადად 4 ათასი, ხოლო სამ და მეტ სულიან ოჯახს 6 ათასი ლარით დაეხმარებიან.

საკითხს დეპუტატებმა მხარი ერთხმად დაუჭირეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"

მზადება ახალი თავგადასავლისთვის - თიბისის მობაილბანკში მასშტაბური მარათონი ბრუნდება

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა