პარლამენტის იურიდიულ საკითხთა კომიტეტის სხდომაზე საარჩევნო სისტემასთან დაკავშირებით უმრავლესობის საკონსტიტუციო პროექტის განხილვა დებატების ფონზე წარიმართა.

საპარლამენტო ოპოზიციას კომიტეტის სხდომაზე წარდგენილი აქვს ალტერნატიული პროექტი, რომლის მიხედვითაც ცვლილებები წელსვე უნდა განხორციელდეს.

როგორც “ნაციონალური მოძრაობის“ წევრებმა განაცხადეს, “ქართული ოცნების“ ერთ-ერთი წინასაარჩევნო დაპირება “არსებული მახინჯი საარჩევნო სისტემის შეცვლა“ იყო, რაც კოალიციას წინასაარჩევნო პროგრამაში ეწერა.

ცვლილებებს ითხოვენ "თავისუფალი დემოკრატებიც", რომლებიც მმართველ გუნდში მყოფ პოლიტიკოსებს საარჩევნო სისტემასთან დაკავშირებით წარსულში გაკეთებულ განცხადებებს ახსენებენ.

ოპოზიციის შეფასებები კატეგორიულად არ გაიზიარეს კომიტეტის წევრმა მაჟორიტარებმა: გიორგი კახიანმა, ზაქარია ქუცნაშვილმა და გედევან ფოფხაძემ.

მმართველ გუნდის ნაწილი მაჟორიტარული სისტემის გაუქმებას 2020 წლისთვის მხარს უჭერს, თუმცა უმრავლესობაში არიან დეპუტატები, რომლებიც მთლიანად პროპორციულ სისტემაზე გადასვლას არ იზიარებს.

საპარლამენტო უმრავლესობის 81 წევრის მიერ წარდგენილი პროექტი მაჟორიტარული საარჩევნო სისტემის გაუქმებასა და მრავალმანდანტიანი პროპორციული სისტემის ამოქმედებას ითვალისწინებს, რაც 2016 წლის შემდგომი არჩევნებისთვის უნდა მოხდეს.

ამასთან, პარლამენტის დღის წესრიგში ასევე ოპოზიციის მიერ მომზადებულ საკონსტიტუციო ცვლილებები დგას, რაც 2016 წლის არჩევნებისთვის 75 პარტიული სიით - პროპორციული წესით, ხოლო 75-ის სამხარეო-პროპორციული წესით გადანაწილებას გულისხმობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"

მზადება ახალი თავგადასავლისთვის - თიბისის მობაილბანკში მასშტაბური მარათონი ბრუნდება

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა