სსიპ "ნატოსა და ევროკავშირის შესახებ საინფორმაციო  ცენტრს" ახალი ხელმძღვანელი უახლოეს დღეებში ეყოლება.

როგორც "ექსპრესნიუსს" ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატის პრესსამსახურში განუცხადეს, ახალი დირექტორი კონკურსის შედეგად დაინიშნება,  მანამდე კი, საინფორმაციო ცენტრის დირექტორის მოვალეობას თამარ მედულაშვილი ასრულებს.

მათივე ინფორმაციით, "ნატოსა და ევროკავშირის შესახებ საინფორმაციო  ცენტრის" ხელმძღვანელმა ელენე გოცაძემ და მისმა მოადგილე თამარ მედულაშვილმა თანამდებობები საკუთარი განცხადებების საფუძველზე დატოვეს.

"ჩვენთან კონკურსი იყო გამოცხადებული. შედეგები ამ დღეებში გახდება  ცნობილი. ელენე გოცაძე და თამარ მედულაშვილი საკუთარი განცხადებების საფუძველზე წავიდნენ სხვა სამსახურში. ამ წუთას დირექტორის მოვალეობას თამუნა მედულაშვილი ასრულებს.  იმედია, ამ დღეებში დაინიშნება ახალი დირექტორი კონკურსის შედეგად. მოადგილის საკითხს დირექტორი  თვითონ გადაწყვეტს. ხვალ, ალბათ, კონკურსში გამარჯვებული გამოვლინდება", - აცხადებენ სახელმწიფო მინისტრის აპარატის  პრესსამსახურში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა