ეროვნულ-დემოკრატიული ინსტიტუტის (NDI) საზოგადოებრივი  კვლევის თანახმად,  გამოკითხულთა 38%-ის აზრით, 2012 წლის ოქტომბერთან შედარებით,  საქართველოში  სიტყვის  თავისუფლება  გაუმჯობესდა,  39% ფიქრობს, რომ  მდგომარეობა არ შეცვლილა,  16%-ის შეფასებით, გაუარესდა.

კრიმინალთან დაკავშირებით, გამოკითხულთა 5% ფიქრობს, რომ 2012 წლის ოქტომბერთან შედარებით, მდგომარეობა გაუმჯობესდა, 29%-ის შეფასებით, არ შეცვლილა,  57% კი მიჩნევს, რომ  ამ მხრივ მდგომარეობა გაუარესდა.

კურუფციის მიმართულებით, გამოკითხულთა  10%-ის თქმით, მდგომარეობა 2012 წლის  ოქტომბერთან შედარებით გაუმჯობესდა,  40%-ის აზრით, არ შეცვლილა, ხოლო  გამოკითხულთა  38% ამბობს, რომ გაუარესდა.

რაც შეეხება სასამართლო სისტემას,  გამოკითხულთა  14% მიჩნევს, რომ ამ კუთხით მდგომარეობა გაუმჯობესდა,  34%-ის აზრით, არ შეცვლილა,  21% კი აცხადებს, რომ მდგომარეობა  გაუარესდა.

უმცირესობათა უფლებებთან დაკავშირებით, გამოკითხულთა  18% აცხადებს, რომ 2012 წლის ოქტომბერთან შედარებით, მდგომარეობა გაუმჯობესდა, 47%-ის შეფასებით, არ შეცვლილა,  13% კი აღნიშნავს, რომ მდგომარეობა გაუარესდა.

ქალების უფლებების მიმართულებით, გამოკითხულთა  24% -ის შეფასებით, მდგომარეობა გაუმჯობესდა,  53%-ის მოსაზრებით, მდგომარეობა არ შეცვლილა, ხოლო 12% ფიქრობს, რომ 2012 წლის ოქტომბერთან შედარებით,  ამ კუთხით, ვითარება გაუარესდა.

კვლევის საველე სამუშაოები 23 თებერვალი-14 მარტის პერიოდში მიმდინარეობდა.

საქართველოს მასშტაბით, პირისპირ ინტერვიუს წარმომადგელობითი შერჩევის საფუძველზე, 3,900 პირი გამოიკითხა. NDI-ის კვლევებს შვედეთის საერთაშორისო განვითარების და თანამშრომლობის სააგენტო (Sida) აფინანსებს და CRRC–საქართველო ატარებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა