სირიაში "ისლამურმა სახელმწიფომ" ქარხნის 250 თანამშრომელი გაიტაცა

2016-04-07 13:46:58, 1275 ნახვა

მსოფლიო

250 ადამიანი დაკარგულად ითვლება, მას შემდეგ რაც ქალაქ დუმეირში "ისლამური სახელმწიფო" ცემენტის ქარხანას დაესხა, - ამის შესახებ ინფორმაციას ფრანგული ტელეარხი BFM ავრცელებს.

როგორც მედია საშუალება იტყობინება, ქალაქ დუმეირში, დამასკოდან 35 კილომეტრში, მდებარე ცემენტის ქარხანას "ისლამური სახელმწიფოს" ბოევიკები დაესხნენ.

მედიის ინფორმაციით, დაკარგულია 250 ადამიანი.

"ჩვენ ქარხნის 250 თანამშრომელთან კავშირი ორშაბათს, თავდასხმის დროს დავკარგეთ. ამ დრომდე ჩვენთვის უცნობია, თუ სად და რა მდგომარეობაში იმყოფებიან თანამშრომლები", - განაცხადა ქარხნის ადმინისტრაციის წარმომადგენელმა.

აღნიშნულ ფაქტს, სირიაში სამეთვალყურეო საბჭოს ადამიანის უფლებათა წარმომადგენელიც გამოეხმაურა.

მისი თქმით, "ისლამური სახელმწიფოს" ბოევიკებმა ქარხნის ათობით თანამშრომელი გაიტაცეს და გაურკვეველი მიმართულებით წაიყვანეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან