ფინანსთა მინისტრმა, ნოდარ ხადურმა, გერმანიის საგარეო საქმეთა ყოფილი მინისტრის, ჰანს-დიტრიხ გენშერის გარდაცვალების გამო მწუხარება გამოთქვა და ეროვნულ ბიბლიოთეკაში გახსნილ სამძიმრის წიგნში ჩანაწერი გააკეთა.

„ვიზიარებ გერმანელი ხალხის მწუხარებას ერთიანი გერმანიის ერთ-ერთი შემოქმედის, ქართველი ხალხის დიდი მეგობრის, თანამედროვეობის გამოჩენილი პოლიტიკოსისა და დიპლომატის, ჰანს-დიტრიხ გენშერის გარდაცვალების გამო.

სწორედ ბატონი გენშერის დიდი დამსახურებაა გერმანიის გაერთიანება, ბერლინის კედლის დანგრევა - რაც ევროპის გაერთიანების მნიშვნელოვანი წინაპირობა გახდა. აგრეთვე დამოუკიდებელ საქართველოში უცხო ქვეყნის პირველი საელჩოს გახსნა, რაც კარგი და მისაბაძი მაგალითი აღმოჩნდა ჩვენი მეგობარი და პარტნიორი ქვეყნებისთვის.

ქედს ვიხრი ბატონი გენშერის ნათელი ხსოვნის წინაშე", - ნათქვამია მინისტრის სამძიმრის ჩანაწერში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფორმულას წინააღმდეგ სისხლის სამართლის გამოძიებაზე ევროსაბჭომ განგაშის სიგნალი ჩართო

კობახიძე: როცა საუბარია ქვეყნის მიღწევებზე, მინდა მადლობა გადავუხადო ბიძინა ივანიშვილს

კობახიძე: როდესაც რჩება დისბალანსი ეკონომიკებს შორის, მოქალაქეები მიდიან, ამას უწყობს ხელს ვიზალიბერალიზაცია

თბილისში 500 Global in Eurasia-ს მეათე ნაკადის დასკვნითი ღონისძიება, დემო დღე გაიმართა