1-ელი მაისი შევა ჩვენს ისტორიაში სამარცხვინო თარიღად, დავბრუნდით შაჰ-აბასისა თუ საბჭოთა დროს, როცა საკარმიდამო ნაკვეთი დაშვებული იყო მხოლოდ საკუთარი მოხმარებისთვის, - ასე ეხმაურება საქართველოს მეხუთე პრეზიდენტი, სალომე ზურაბიშვილი „ღვინისა და ვაზის შესახებ“ კანონში შესულ ცვლილებებს, რომლის მიხედვითაც ვენახის სამეწარმეო მიზნით გაშენებას ღვინის ეროვნული სააგენტოს თანხმობა და მისგან უფლების მიღება დასჭირდება.

როგორც ზურაბიშვილი სოციალურ ქსელში წერს, აღნიშნული კანონი ქართული სოფლის მეურნეობის განადგურებას ემსახურება.

„1-ელი მაისი შევა ჩვენს ისტორიაში სამარცხვინო თარიღად: დღეიდან გლეხებს ეკრძალებათ ვაზის გაშენება საკუთარ მიწაზე „ხელისუფლების ნებართვის გარეშე” და მასზე მოყვანილ ყურძნისა თუ დაყენებულ ღვინის გაყიდვაზე. ანუ დავბრუნდით შაჰ-აბასისა თუ საბჭოთა დროს, როცა საკარმიდამო ნაკვეთი დაშვებული იყო მხოლოდ საკუთარი მოხმარებისთვის.

ეს კანონი პირდაპირ ქართული სოფლის მეურნეობის განადგურებას ემსახურება და გლეხების გაქრობას თუ ქვეყნიდან წასვლას!” - წერს ზურაბიშვილი.

ავტორი: ექსპრესნიუსი,

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა