თეთრი სახლის პრესმდივანმა კეროლაინ ლევიტმა განაცხადა, რომ აშშ-მ ირანის მხრიდან „გარკვეული პროგრესი დაინახა“ ახლო აღმოსავლეთის კრიზისის მოგვარებაში.

მან ეს განცხადება პარასკევს, 24 აპრილს გააკეთა, CNN-ის ციტირების თანახმად.

როგორც იტყობინება, ლევიტმა დაადასტურა, რომ აშშ-ის პრეზიდენტის წარმომადგენლები სტივ ვიტკოფი და ჯარედ კუშნერი 25 აპრილის დილით პაკისტანში გაემგზავრებიან ირანთან მოლაპარაკებებისთვის.

„ბოლო რამდენიმე დღის განმავლობაში ირანის მხრიდან გარკვეული პროგრესი ნამდვილად დავინახეთ. პრეზიდენტმა მიიღო გადაწყვეტილება, სტივი და ჯარედი ირანელების მოსასმენად გაეგზავნა, ამიტომ ვნახოთ, რას იტყვიან ისინი“, - თქვა მან.

თეთრი სახლის პრესმდივანმა იმედი გამოთქვა, რომ შეხვედრა „დადებით შედეგებს გამოიღებს“.

21 აპრილს აშშ-ის პრეზიდენტმა დონალდ ტრამპმა გამოაცხადა, რომ პაკისტანის მოთხოვნით განუსაზღვრელი ვადით ახანგრძლივებს ირანთან ცეცხლის შეწყვეტის შეთანხმებას.

მედიის ცნობით, აშშ-ის სამხედრო მეთაურები ამზადებენ გეგმებს ჰორმუზის სრუტეში ირანის ძალების წინააღმდეგ ახალი დარტყმებისთვის, თუ საომარი მოქმედებების ამჟამინდელი პაუზა შეთანხმების გარეშე დასრულდება.

ავტორი: ექსპრესნიუსი,

სოციალური ქსელები

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან