სხდომაზე, სადაც ჩვენებას ზურაბ ნოღაიდელი ამ წუთებშიც აძლევს, სიტუაცია მას შემდეგ დაიძაბა, რაც სააკაშვილმა მოწმეს კითხვებით მიმართა და მოღალატე უწოდა. სიტუაცია ისე დაიძაბა, ბრალდებული ყოფილი პრეზიდენტისა და ნოღაიდელის გაშველება მანდატურის სამსახურის წარმომადგენლებსა და მხარეებს მოუწიათ. თავდაპირველად პროცესი და სააკაშვილის მხრიდან კითხვების დასმა მშვიდ ვითარებაში მიმდინარეობდა. „მინდა მოგმართოთ პროკურატურას და სასამართლოს, რომელსაც არ ვცნობ, მაგრამ ამას საზოგადოებასთან მისამართად ვიყენებ. დღეს რა მოისმინეთ, ისეთი ამ ჩვენებაში, რის გამოც ამის უკან უნდა ვიჯდე? დღესავით ნათელია, რომ თავიდან ბოლომდე ფარცხალაძის მიერ დაწერილი და შეთითხნილი ბრალია. "მიშა- ზურა გამარჯობა - გაგიმარჯოს მიშა მიშა- დღეს აქ რა მოისმინეთ, რაც ადასტურებს რომ მე აქ უნდა ვიჯდე. ხომ დასტურდება რომ შეთითხნილია. ვადასტურებ რომ ჯარის გამოყვანა ჩემი გადაწყვეტილება იყო. მაგრამ რისთვის? გიპასუხათ რომ წესრიგის დაცვისთვის. ზურა, მინდა გკითხო , პატარკაციშვილი კავშირში იყო რუსეთთან ზურა- რა თქმა უნდა ვადასტურებ რომ იყო კავშირში. პატარკაციშვილმა ფული იშოვა რუსეთში. ფსბს აგენტი თუ იყო მისი დაცვა რატომ იყო თბილისში? რატომ არ დაიჭირეთ (მანამდე მიშამ ახსენა ეს ფაქტი) მიშა- ადასტურებ თუ არა რომ იმედი შეიქმნა რუსული ფულით ზურა- რუსული ფულით შეიქმნებოდა ფული რუსეთში იშოვა მისმა მფლობელმა. მიშა- ვისი ნაქირავები იყო ბინა რომელშიც ზურაბ ჟვანია გარდაიცვალა ზურა- არ ვიცი მიშა- ვისი და ვასილ მაღლაფერიძის ზურა. როგორ არ იცი. ზურა იყავი თუ არა 2008 წლის შემდეგ პუტინთან ზურა- კი - რატომ ზურა- იმიტომ რომ დამელაგებინა ურთიერთობები რუსეთთან. მიშა- რა ურთიერთობები უნდა დაგელაგებინა შე მოღალატე, გვიპყრობდა შენ ხარ მოღალატე! დარბაზში ხმაურია. წამოდგნენ პროკურორები, ადვოკატები ყველა ფეხზე დგას. ბრალდებულიც და მოწმეც ერთმანეთს ხმამაღლა მიმართავენ. მიშა ამბობს”ხელის გულზე დევს რომ რუსეთის ხელით მასამართლებენ” და დარბაზს ტოვებს. - წერს სასამართლო სხდომიდან ჟურნალისტი ნანუკა ჟორჟოლიანი.

ავტორი: ექსპრესნიუსი,

სოციალური ქსელები

ემანუელ მაკრონმა ვოლოდიმირ ზელენსკის მასსა და დონალდ ტრამპს შორის შეხვედრის ორგანიზება შესთავაზა

საქართველოს რკინიგზის ყოფილი ხელმძღვანელი დავით ფერაძე დააკავეს

საელჩო: დიდმა ბრიტანეთმა სანქციების ახალ პაკეტში შეიყვანა ხომალდი SILVAR, რომელიც წლის დასაწყისში საქართველოს პორტში იმყოფებოდა

„საქართველოს ბანკის“ წარმომადგენელმა NextGen Payments & RegTech Forum-ზე გამოცდილება გააზიარა