ლუდის ლეგენდარული ბრენდის-"ბავარიის" მწარმოებელი  ქვეყნების  მსოფლიო რუკას საქართველო შეემატა. "ზედაზენი" საქართველოში და მთლიანად რეგიონში ლუდი "ბავარიის" ოფიციალური  და ექსკლუზიური მწარმოებელი გახდა.

ამ ბრენდის საქართველოში ჩამოსხმულ ლუდს უკვე ადგილობრივი მოყვარულები დააგემოვნებენ.  აღსანიშნავია, რომ "ბავარიამ" კომპანია "ზედაზენისთვის" უპრეცედენტო  გამონაკლისი დაუშვა.  საქართველოში ბავარიის ოჯახის  მეშვიდე თაობის   წარმომადგენელი Peer Swinkels იმყოფება, რომელმაც მთაწმინდაზე რესტორან "ფუნიკულიორში"  საქართველოში ჩამოსხმული ლუდი დააგემოვნა.

"ჩვენი პროდუქცია იყიდება თითქმის მთელ მსოფლიოში, კერძოდ, 120 ქვეყანაში. ჩვენ ასევე ვაწარმოებთ ჩვენ პროდუქციას რამდენიმე ქვეყანაში. საქართველოში ჩვენი ახალი პროდუქცია წარმოვადგინეთ, რათა ქართველი მომხმარებლისთვის ის უფრო ნაცნობი და ხელმისაწვდომი გახდეს",-განაცხადა Peer Swinkels-მა.

კომპანია  "ზედაზენის"  გენერალური დირექტორის  ვასილ  სულხანიშვილის განცხადებით, "ბავარია" საქართველოს ბაზარმა დააინტერესა.

"კერძოდ, ისეთი მაღალი ტექნოლოგიების ქარხანამ, როგორიც "ზედაზენია". ძლიან მოეწონათ დანადგარები, ხარისხი, კომპანიის სწრაფი განვითარება დროის ესოდენ მცირე  მონაკვეთში. ჩვენმა ქარხანამ  ვალიდაცია გაიარა და მოგვცეს უფლება, ლუდი  ჩამოვასხათ როგორც შუშაში, ასევე პეტსა და  ქილაში",-აღნიშნა ვასილ  სულხანიშვილმა.

რაც შეეხება ფასს, ვასილ სულხანიშვილის თქმით,  საქართველოში ჩამოსხმული "ბავარია" იმპორტირებული ლუდის ფასის დაახლოებით ნახევარი ეღირება.

"მნიშვნელოვანია, რომ არ არის იმპორტირებული. ცოცხალი ლუდია, ბაზარზე  მომხმარებელთან მივა ძალიან მოკლე ვადაში, როგორც კი ლუდი დამზადდება, დაახლოებით, ერთი ვკირის განმავლოვაში იქნება მომხარებელთან, როცა იმპორტის შემთხვევაში ხდებოდა ხოლმე ამის დაყოვნება, საბაჟოების  გავლა და ა.შ.  მეორე მნიშვნელოვანი "ზედაზენისთვის" არის ის, რომ ჩვენ ჩამოვასხამთ და მივაწვდით აზერბაიჯანსა და სასომხეთის რეგიონებს, ანუ აქედან იქნება იმპორტირებული, რაც არის ეკონომიკისთვის და ჩვენი კომპანიისთვის კარგი.  "ბავარიას" ქარხნები მსოფლიოს რამდენიმე ქვეყანაშია, რომელთაგან მხოლოდ ერთი ქარხანა წელიწადში 6 მილიონ  ჰექტოლიტრ ლუდის რეალიზაციას ახდენს. "ბავარია" პირველი უცხოური ბრენდია, რომელიც პოსტსაბჭოთა სივრცეში 90-იანი წლებიდან იყო  განვითარებული და მომხმარებელმა  ძალიან კარგად მიიღო. "ბავარია" პილსნერის  ტიპის ლუდია, რომელიც სადღეისოდ მომხმარებელთა მთავარ მეინსტრიმს  წარმოადგენს. მისი სიმწარე ქართველ მომხმარებელზეა  ადაპტირებული. იქიდან გამომდინარე, რომ იმპორტირებულ ლუდზე  ძალიან მაღალი ფასი გამოდის, გადავწყვიტეთ, იგი ადგილობრივად ჩამოგვესხა, რათა მომხმარებელს გავუიაფოთ  და უფრო ხელმისაწვდომი გავხადოთ  მისთვის ეს  მაღალხარისხოვანი ლუდი. 24 მარტიდან უკვე ქსელშია შეტანილი. კვირის ბოლომდე ყველა მაღაზიაში იქნება", - განაცხადა  ვასილ სულხანიშვილმა.

ფოტო რეპორტაჟი

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია