სირიაში „ისლამური სახელმწიფოს“ ერთ-ერთი ლიდერი აბდულ ალ-კადული მოკლეს

2016-03-26 13:10:52, 1096 ნახვა

მსოფლიო

"ისლამური სახელმწიფოს" ერთ-ერთი ლიდერი სირიაში კერძოდ კი ანტიკურ ქალაქ პალმირაში აშშ-ის კოალიციის მიერ განხორციელებული ოპერაციის დროს მოკლეს, - ამის შესახებ Reuters იტყობინება.

როგორც მედია საშუალება აშშ-ის თავდაცვის მდივანზე, ეშ კარტერზე დაყრდნობით წერს, მარტში განხორციელებული იერიშების შედეგად ჰაჯი იმამის სახელით ცნობილი, აბდულ რაჰმან მუსტაფა ალ-კადული მოკლეს.

ეშ კარტერის თქმით, ოპერაცია ალ-კადულის დასაკავებლად იყო მიმართული და მისი მოკვლა გეგმაშ არ იყო, თუმცა მას შემდეგ რაც საჰაერო ძალების ერთ-ერთი თვითმფრინავი დაცხრილეს, მებრძოლებმა მიირეს გადაწყვეტილება საჰაერო დარტყმებზე გადასულიყვნენ. სწორედ ამის შედეგად გარდაიცვალა „ისლამური სახელმწიფოს“ ერთ-ერთი ლიდერი.

აღსანიშნავია, რომ მანამდე ვაშინგტონმა ფულადი ჯილდოს სახით 7 მილიონი დოლარი კადულის ადგილსამყოფელის შესახებ ინფორმაციის სანაცვლოდ დააწესა. იგი "ისლამურ სახელმწიფოში" მნიშვნელობით მეორე ლიდერად იყო ცნობილი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან