სოფლის მეურნეობის მინისტრ ოთარ დანელიას განცხადებით, რძის მწარმოებელი სასოფოლო სამეურნეო კოოპერატივების მხარდასაჭერად 360 ათასი ლარია გამოყოფილი.

როგორც მან მთავრობის სხდომის დასრულების  შემდეგ  ჟურნალისტებს  განუცხადა, რძის წარმოება ერთ-ერთი მნიშვნელოვანი მიმართულებაა.

 „განსაკუთრებით გაიზარდა მოთხოვნა ნედლ რძეზე მას შემდეგ, რაც პრაქტიკაში დავნერგეთ რძისა და რძის პროდუქტების რეგლამენტი, აქედან გამომდინარე, იდენტიფიცირებულია 416 კოოპერატივი, რომელიც საერთო ჯამში მესაქონლეობით არის დაკავებული და 13 ათასზე მეტი მსხვილფეხა რქოსანი პირუტყვი ჰყავთ“, - განაცხადა დანელიამ.

მისივე თქმით, კოოპერატივებს მოწყობილობები უსასყიდლოდ გადაეცემათ. კერძოდ, მინისტრის განმარტებით, ესენია: გამაციებლები, ხელოვნური განაყოფიერების ხელსაწყოები, პრეპარატები.

„აუცილებელი პირობაა, რომ გადამზადების კურსები გაიარონ. უკვე იდენტიფიცირებულია 30 კოოპერატივი, რომელიც პოტენციური ბენეფიციარია და მიიღებს აუციელებლად ამ პროგრამით გათვალისწინებულ შეღავათიან პირობებს. ასევე მნიშვნელოვანია, რომ მთელი საწარმო  ციკლის პროცესში დაცული იქნება სურსათის უვნებლობის და საერთაშორისო ევროპული სტანდარტების ნორმები“, - განაცხადა ოთარ დანელიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია